తెలంగాణలో గిగ్ వర్కర్ల సంక్షేమ పథకాన్ని ప్రారంభించిన రాహుల్ గాంధీ

తెలంగాణలో గిగ్‌ వర్కర్ల సంక్షేమ పథకాన్ని లోక్‌సభ ప్రతిపక్ష నేత, ఏఐసీసీ అగ్రనేత రాహుల్ గాంధీ ప్రారంభించారు. గిగ్ వర్కర్ల విధివిధానాల పుస్తకాన్ని ఆవిష్కరించారు. అంతేకాకుండా గిగ్‌ వర్కర్ల సంక్షేమ పథకానికి సంబంధించిన బోర్డును కూడా రాహుల్ ఆవిష్కరించారు. గిగ్‌ వర్కర్లకు రక్షణ కల్పిస్తానని ఆనాడు మాట ఇచ్చానని.. ఇచ్చిన మాటను నిలబెట్టుకున్నామని ఈ సందర్భంగా ఏఐసీసీ అగ్రనేత అన్నారు. అంతకుముందు గిగ్‌ వర్కర్లు భారీ బైక్ ర్యాలీ చేపట్టారు. శిల్పకలా వేదిక నుంచి జయభేరి గ్రౌండ్స్ వరకు గిగ్‌ వర్కర్లతో కలిసి బైక్ ర్యాలీలో రాహుల్ గాంధీ, ముఖ్యమంత్రి రేవంత్ రెడ్డి, డిప్యూటీ సీఎం భట్టి విక్రమార్క, పీసీసీ చీఫ్ మహేశ్ కుమార్ గౌడ్, మంత్రులు పాల్గొన్నారు.