తిరుమలలో వైభవంగా స్వర్ణరథోత్సవం.. బంగారు రథంపై మలయప్పస్వామి
ABN, Publish Date - Oct 19 , 2026 | 11:16 AM
శ్రీవారి నవరాత్రి బ్రహ్మోత్సవాల్లో భాగంగా ఎనిమిదో రోజైన సోమవారం ఉదయం తిరుమలలో స్వర్ణరథోత్సవం అత్యంత వైభవంగా జరిగింది. ఉదయం 7 గంటలకు శ్రీదేవి, భూదేవి సమేత శ్రీ మలయప్పస్వామివారు స్వర్ణకాంతులతో మెరిసే బంగారు రథంపై తిరుమాడ వీధుల్లో విహరిస్తూ భక్తులకు దివ్యదర్శనమిచ్చారు. మంగళవాయిద్యాల నడుమ, గోవింద నామస్మరణలతో మార్మోగిన తిరుమాడ వీధుల్లో స్వామివారి స్వర్ణరథ విహారం భక్తులను భక్తిపారవశ్యంలో ముంచెత్తింది.
1/11
తిరుమలలో శ్రీవారి నవరాత్రి బ్రహ్మోత్సవాలు ఘనంగా జరుగుతున్నాయి.
2/11
ఎనిమిదో రోజు స్వర్ణరథంపై శ్రీవేంకటాద్రీశుడు భక్తులకు దర్శనమిచ్చారు.
3/11
శ్రీదేవి, భూదేవి సమేతంగా బంగారు తేరుపై మలయప్పస్వామి దివ్య విహారం
4/11
మంగళవాయిద్యాలు, గోవింద నామస్మరణల నడుమ వైభవంగా స్వర్ణరథోత్సవం జరిగింది.
5/11
స్వర్ణరథోత్సవంలో మహిళలు పెద్ద సంఖ్యలో పాల్గొని భక్తిశ్రద్ధలతో స్వర్ణరథాన్ని లాగడం విశేషం.
6/11
బంగారు రథంపై కొలువుదీరిన శ్రీదేవి, భూదేవి సమేత శ్రీ మలయప్పస్వామివారిని దర్శించుకునేందుకు భక్తులు పెద్ద సంఖ్యలో తరలివచ్చారు.
7/11
స్వామివారి దివ్యమంగళ స్వరూపాన్ని దర్శించుకుంటూ భక్తులు గోవింద నామస్మరణ చేశారు.
8/11
స్వర్ణరథోత్సవాన్ని దర్శించుకోవడం వల్ల శ్రీ మహాలక్ష్మీదేవి కటాక్షంతో సంపదలు, భోగభాగ్యాలు, భూదేవి అనుగ్రహంతో సమస్త ధాన్యసంపదలు, శ్రీ వేంకటేశ్వరస్వామివారి కృపతో సుఖసంతోషాలు, సకల శుభాలు కలుగుతాయని భక్తుల ప్రగాఢ విశ్వాసం.
9/11
స్వర్ణరథంపై స్వామివారి దివ్యదర్శనం భక్తులకు ఆధ్యాత్మిక ఆనందాన్ని, దైవానుగ్రహంపై అచంచలమైన విశ్వాసాన్ని అందించింది.
10/11
స్వర్ణరథోత్సవాన్ని పురస్కరించుకుని తిరుమాడ వీధుల్లో భక్తుల సందడి.
11/11
ఈ కార్యక్రమంలో తిరుమల పెద్దజీయర్ స్వామి, చినజీయర్ స్వామి, టీటీడీ ఈవో ముద్దాడ రవిచంద్ర, అదనపు ఈవో సి.హెచ్.వెంకయ్య చౌదరి, బోర్డు సభ్యులు పనబాక లక్ష్మి, నన్నపనేని సదాశివరావు, సీవీఎస్వో మురళీకృష్ణ, ఇతర అధికారులు పాల్గొన్నారు.
Updated at - Oct 19 , 2026 | 11:30 AM