విశ్వసనీయ వ్యాపార సంబంధాలే వెన్నెముక: పుతిన్

ఢిల్లీ, సెప్టెంబర్ 11: BRICS 2026 సమ్మిట్ వేళ ఏర్పాటు చేసిన 'BRICS బిజినెస్ ఫోరమ్'లో రష్యా అధ్యక్షుడు వ్లాదిమిర్ పుతిన్ మాట్లాడారు. ఈ సందర్భంగా ప్రపంచ ఆర్థిక వ్యవస్థలో వస్తున్న మార్పులు, వ్యాపార భాగస్వామ్యాల ప్రాధాన్యత గురించి ఆయన కీలక వ్యాఖ్యలు చేశారు.

వ్యాపార బంధాలే వెన్నుముక

పరస్పరం నమ్మకంతో కూడిన వ్యాపార సంబంధాలు, ఆర్థిక భాగస్వామ్యాలే అంతర్జాతీయ ఆర్థిక వ్యవస్థకు ప్రధాన ఆధారమని, ఇవి ప్రపంచం ఎదుర్కొంటున్న సవాళ్లను అధిగమించడానికి, దేశాల మధ్య సంబంధాలను బలోపేతం చేయడానికి దోహదపడతాయని పుతిన్ పేర్కొన్నారు.

గతంలో గ్లోబల్ ఆర్థిక వృద్ధికి నాయకత్వం వహించిన పాత శక్తుల (ఆర్థిక వ్యవస్థలు) స్థానంలోకి కొత్త ఆర్థిక యంత్రాలు (New Engines of Growth) వస్తున్నాయని, ఇది సహజమైన మార్పు అని ఆయన వ్యాఖ్యానించారు. ప్రపంచ జీడీపీ (GDP) లో BRICS దేశాల భాగస్వామ్యం గత ఐదేళ్లలో 40 శాతానికి పైగా ఉంటే, G7 దేశాల వాటా కేవలం 29 శాతానికే పరిమితమైందని గణాంకాలతో వివరించారు.

ఈ కార్యక్రమంలో ప్రధాని నరేంద్ర మోదీతో పాటు ఇరాన్ అధ్యక్షుడు మసూద్ పెజెష్కియాన్, దక్షిణాఫ్రికా అధ్యక్షుడు సిరిల్ రమఫోసా, భారత విదేశాంగ మంత్రి డా. ఎస్. జైశంకర్, వాణిజ్య మంత్రి పియూష్ గోయల్, ఇతర భాగస్వామ్య దేశాల ప్రతినిధులు పాల్గొన్నారు.

ఈ వార్తలు కూడా చదవండి

ఆర్‌డబ్ల్యూఎస్‌ కాంట్రాక్టర్లకు గుడ్ న్యూస్.. రూ.620 కోట్లు విడుదల చేసిన కూటమి ప్రభుత్వం..

2027 నాటికి వందశాతం అక్షరాస్యతే లక్ష్యం.. కలెక్టర్లకు సీఎం చంద్రబాబు దిశానిర్దేశం