రైల్లో వివిధ సమస్యలతో ఇబ్బంది పడుతున్నారా.. అయితే వెంటనే ఇలా చేయండి..

ఇంటర్నెట్ డెస్క్: రైల్లో ప్రయాణించే సమయంలో చాలా మంది ప్రయాణికులు వివిధ సమస్యలను ఎదుర్కొంటుంటారు. కోచ్‌లు మురికిగా ఉండటం, టాయిలెట్లు శుభ్రంగా లేకపోవడం, నీటి కొరత, లైట్లు లేదా AC పనిచేయకపోవడం వంటి సమస్యలు సాధారణంగా కనిపిస్తాయి. అయితే, ఈ సమస్యలను పరిష్కరించేందుకు రైల్వే ‘రైల్ మదద్’ (Rail Madad) అనే యాప్‌ను అందుబాటులోకి తీసుకొచ్చిందని మీకు తెలుసా? ఈ యాప్ ద్వారా ప్రయాణికులు తమ సమస్యలను సులభంగా నమోదు చేయవచ్చు. మీరు ఫిర్యాదు చేసిన వెంటనే, రైల్వే సిబ్బంది తదుపరి స్టేషన్‌లో మీ కోచ్‌కు వచ్చి సమస్యను పరిష్కరిస్తారు.

రైల్ మదద్ యాప్‌ను ఎలా ఉపయోగించాలి

• ముందుగా ప్లే స్టోర్ నుంచి రైల్ మదద్ యాప్‌ను డౌన్‌లోడ్ చేసుకోవాలి.

• యాప్‌లో మీ పేరు, మొబైల్ నంబర్ నమోదు చేసి రిజిస్టర్ అవ్వాలి.

• ఆ తర్వాత లాగిన్ అయి, మీ PNR నంబర్, సమస్య వివరాలు నమోదు చేయాలి.

• వెంటనే రైల్వే సిబ్బంది స్పందించి సమస్యను పరిష్కరిస్తారు.

ఫోన్ ద్వారా ఫిర్యాదు చేసే విధానం..

ప్రయాణికులు 139 హెల్ప్‌లైన్ నంబర్‌కు కాల్ చేసి, ఆప్షన్ 4 ఎంచుకోవడం ద్వారా ఫిర్యాదు చేయవచ్చు. మీ PNR నంబర్, కోచ్ వివరాలు ఇవ్వగానే సంబంధిత సిబ్బంది చర్యలు తీసుకుంటారు.

SMS ద్వారా కూడా ఫిర్యాదు చేయవచ్చు..

మీరు SMS ద్వారా కూడా సమస్యను తెలియజేయవచ్చు. ఉదాహరణకు LEAN <PNR నంబర్> C అని టైప్ చేసి 58888 లేదా 9200003232 నంబర్‌కు పంపాలి.

సర్వీస్ కోడ్‌లు..

• C – కోచ్ పరిశుభ్రత

• W – నీటి సమస్య

• P – పెస్ట్ కంట్రోల్

• B – బెడ్ రోల్ సమస్య

• E – లైట్లు లేదా AC సమస్య

• భద్రత, అత్యవసర సహాయం

ప్రయాణంలో ఎవరైనా దురుసుగా ప్రవర్తించినా, లేదా భద్రత సమస్య ఎదురైనా వెంటనే 139కు కాల్ చేయాలి. ఈ సమాచారం RPF పోలీసులకు చేరుతుంది. వారు తదుపరి స్టేషన్‌లో మీ కోచ్‌కు వచ్చి అవసరమైన చర్యలు తీసుకుంటారు. అలాగే అత్యవసర పరిస్థితుల్లో కూడా ఈ నంబర్‌కు కాల్ చేసి సహాయం పొందవచ్చు. మొత్తంగా, రైల్వేలు అందుబాటులోకి తీసుకొచ్చిన ఈ సేవల వల్ల ప్రయాణికులు ఇప్పుడు మరింత సురక్షితంగా, సౌకర్యవంతంగా ప్రయాణించవచ్చు. సమస్య ఎదురైన వెంటనే ఫిర్యాదు చేసి, త్వరగా పరిష్కారం పొందే అవకాశం ఉంటుంది.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

ఉదయం నిద్రలేవగానే ఈ లక్షణాలు కనిపిస్తున్నాయా? జాగ్రత్త.!

అధిక బరువు సమస్యకు ఈ ఆహారంతో చెక్ పెట్టండి!

For More Latest News