IRCTC ఏజెంట్.. నెలకు రూ. 85 వేలు సంపాదించడం ఎలా?
ABN , Publish Date - Feb 27 , 2026 | 07:01 PM
తక్కువ పెట్టుబడితో మంచి ఆదాయం పొందాలని భావించే వారికి IRCTC ఏజెంట్గా మారడం మంచి అవకాశంగా చెప్పవచ్చు. టిక్కెట్ బుకింగ్కు ఎప్పుడూ డిమాండ్ ఉండటం వల్ల ఇది స్థిరమైన ఆదాయం ఇచ్చే వ్యాపారం.
ఇంటర్నెట్ డెస్క్: భారతదేశంలో రైల్వేలు ప్రతిరోజూ లక్షలాది మంది ప్రయాణికులను వారి గమ్యస్థానాలకు తీసుకెళ్తున్నాయి. ఈ కారణంగా రైలు టిక్కెట్ల బుకింగ్కు ఎప్పుడూ మంచి డిమాండ్ ఉంటుంది. తక్కువ పెట్టుబడితో వ్యాపారం ప్రారంభించాలనుకునే వారికి IRCTC ఏజెంట్గా మారడం మంచి ఆదాయ అవకాశంగా మారింది. ముఖ్యంగా చిన్న పట్టణాలు, గ్రామీణ ప్రాంతాల్లో టికెట్ బుకింగ్ కోసం ఇప్పటికీ చాలా మంది ఏజెంట్ల సహాయం తీసుకుంటున్నారు. అయితే, IRCTC ఏజెంట్గా ఎలా మారాలి ? నెలకు ఎంత సంపాదించవచ్చో ఇప్పుడు తెలుసుకుందాం..
IRCTC ఏజెంట్ అంటే కస్టమర్ల తరపున రైలు టిక్కెట్లు బుక్ చేసే అధికారిక వ్యక్తి. వీరు జనరల్, తత్కాల్, వేటింగ్ లిస్ట్ టికెట్లను ఆన్లైన్లో సులభంగా, వేగంగా బుక్ చేస్తారు. అలాగే.. టికెట్ల రద్దు, ఫ్లైట్ టిక్కెట్ బుకింగ్, హోటల్ బుకింగ్ వంటి సేవలను అందించి, ప్రతి టికెట్పై కమిషన్ పొందుతారు. రోజూ వేలాది మంది ప్రయాణికులు టిక్కెట్లు బుక్ చేసుకునే క్రమంలో ఏజెంట్లకు మంచి ఆదాయం వచ్చే అవకాశం ఉంటుంది.
IRCTC ఏజెంట్గా ఎలా మారాలి?
ముందుగా అధికారిక IRCTC వెబ్సైట్లో దరఖాస్తు చేసుకోవాలి.
అవసరమైన పత్రాలను అప్లోడ్ చేయాలి, ఉదాహరణకు: ఆధార్/పాన్ కార్డ్, పాస్పోర్ట్ సైజ్ ఫొటో.
దరఖాస్తు ఆమోదం పొందిన తర్వాత, మీకు అధికారిక సర్టిఫికేట్ ఇస్తారు. దీంతో మీరు చట్టబద్ధంగా టిక్కెట్ బుకింగ్ సేవలు ప్రారంభించవచ్చు.
రిజిస్ట్రేషన్ ఫీజు, పెట్టుబడి
IRCTC ఏజెంట్గా మారడానికి కొంత రిజిస్ట్రేషన్ ఫీజు చెల్లించాల్సి ఉంటుంది.
రిజిస్ట్రేషన్ ఫీజు: రూ. 3,999 నుండి రూ. 6,999 వరకు ఉంటుంది.
ఒకసారి రిజిస్ట్రేషన్ పూర్తయిన తర్వాత వెంటనే టిక్కెట్ బుకింగ్ ప్రారంభించవచ్చు.
ఇది తక్కువ పెట్టుబడితో ప్రారంభించగల వ్యాపారం.
IRCTC ఏజెంట్ ఎంత సంపాదించవచ్చు?
IRCTC ఏజెంట్లకు ప్రతి టిక్కెట్పై కమిషన్ లభిస్తుంది.
నాన్-AC టిక్కెట్పై సుమారు రూ. 20
AC టిక్కెట్పై సుమారు రూ. 40
అదనంగా: విమాన టిక్కెట్లు, హోటల్ బుకింగ్లు, టూర్ ప్యాకేజీలు ..వీటి ద్వారా కూడా అదనపు ఆదాయం పొందవచ్చు.
ప్రతిరోజూ ఎక్కువ బుకింగ్లు చేస్తే, ఒక IRCTC ఏజెంట్ నెలకు రూ. 30,000 నుండి రూ. 85,000 లేదా అంతకంటే ఎక్కువ కూడా సంపాదించే అవకాశం ఉంటుంది.
తక్కువ పెట్టుబడితో మంచి ఆదాయం పొందాలని భావించే వారికి IRCTC ఏజెంట్గా మారడం మంచి అవకాశంగా చెప్పవచ్చు. టిక్కెట్ బుకింగ్కు ఎప్పుడూ డిమాండ్ ఉండటం వల్ల ఇది స్థిరమైన ఆదాయం వచ్చే వ్యాపారం. సరైన విధంగా పని చేస్తే, ఈ రంగంలో మంచి ఆదాయం సంపాదించవచ్చు.
Note: ఇందులోని సమాచారం ఇంటర్నెట్లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.
Also Read:
యువతలో బీపీ పెరగడానికి కారణం తెలుసా?
పాదాలలో ఈ 4 లక్షణాలు కనిపిస్తే జాగ్రత్త..!
For More Latest News
