సమ్మర్ ట్రిప్‌.. ఆంధ్ర కాశ్మీర్‌ పర్‌ఫెక్ట్ డెస్టినేషన్

ఇంటర్నెట్ డెస్క్: సమ్మర్‌లో అరకు లోయ (Araku Valley) పచ్చని కొండలు, ఆహ్లాదకరమైన వాతావరణంతో పర్యాటకులను ఆకట్టుకుంటుంది. చల్లటి గాలులతో ఉదయం, సాయంత్రాలు ప్రశాంతంగా ఉంటాయి. సమ్మర్ హాలీడేస్ కోసం మీరు ట్రిప్ ప్లాన్ చేస్తున్నట్లయితే ఆంధ్ర కాశ్మీర్‌ - అరకు లోయ మీకు పర్‌ఫెక్ట్ డెస్టినేషన్ అవుతుంది. ఫ్రెండ్స్ అండ్ ఫ్యామిలీతో ఇక్కడ బాగా ఎంజాయ్ చేయవచ్చు. సో లేట్ చేయకుండా అరకు లోయ అందాల గురించి ఇప్పుడు వివరంగా తెలుసుకుందాం..

ఆంధ్రా ఊటీ

అరకు లోయ ఆంధ్రప్రదేశ్‌లోని విశాఖపట్నం జిల్లాలో ఉన్న ఒక అద్భుతమైన హిల్ స్టేషన్, దీనిని ఆంధ్రా ఊటీ, ఆంధ్ర కాశ్మీర్‌ అని కూడా పిలుస్తారు. దట్టమైన అడవులు, కాఫీ తోటలు, పొగమంచుతో కూడిన కొండలు, జలపాతాలతో ఇది ప్రకృతి ప్రేమికులకు స్వర్గధామంలా ఉంటుంది.

తూర్పు కనుమలలో, సముద్ర మట్టానికి సుమారు 1300 మీటర్ల ఎత్తులో ఉన్న ఈ లోయ, ఏడాది పొడవునా ఆహ్లాదకరమైన వాతావరణాన్ని కలిగి ఉంటుంది. ఇక్కడ దట్టమైన అడవుల నడుమ గిరిజన తెగల సంస్కృతిని చూడవచ్చు. అరకులోయ రైలు ప్రయాణం, కొండల మధ్య రోడ్డు ప్రయాణం అద్భుతమైన అనుభూతిని ఇస్తాయి.

బొర్రా గుహలు

అరకు లోయలో ఉన్న బొర్రా గుహలు అత్యంత ప్రసిద్ధ సహజసిద్ధమైన పర్యాటక ప్రాంతం. సుమారు 150 మిలియన్ ఏళ్ల క్రితం ఏర్పడిన ఈ కారెస్ట్ సున్నపురాయి (Karstic limestone) గుహలు, అందమైన స్టాలక్టైట్, స్టాలగ్మైట్ నిర్మాణాలకు ప్రసిద్ధి. ఇవి సముద్ర మట్టానికి సుమారు 705 మీటర్ల నుండి 1400 మీటర్ల ఎత్తులో ఉన్నాయి.

పద్మాపురం గార్డెన్స్

అరకులో చూడాల్సిన వాటిల్లో పద్మాపురం గార్డెన్స్ కూడా ఒకటి. ఇది ఒక ప్రశాంతమైన ఉద్యానవనం. అరకు పట్టణానికి కేవలం 2 కిలోమీటర్ల దూరంలోనే ఉంటుంది. ఈ పార్క్‌లో చూడముచ్చటైన శిల్పాలు, అందమైన చెట్లు, పార్వతీపరమేశ్వరుల విగ్రహాలు ఉంటాయి. అంతేకాకుండా, పిల్లలు ఆడుకోవడానికి టాయ్ ట్రైన్ కూడా ఉంటుంది.

గాలికొండ వ్యూ పాయింట్

గాలికొండ వ్యూ పాయింట్ (Galikonda View Point) అరకు లోయలో ఉన్న ఒక అద్భుతమైన పర్యాటక ప్రదేశం. తూర్పు కనుమలలోని 4,320 అడుగుల ఎత్తులో ఉంటుంది, అరకులోయ ప్రకృతి అందాలు, కొండలు వంటి మనోహరమైన దృశ్యాలను వీక్షించడానికి ప్రసిద్ధి చెందింది.

చాపరాయి

చాపరాయి.. అరకులోయకు సమీపంలో (సుమారు 14-15 కి.మీ.) ఉన్న ప్రసిద్ధ పర్యాటక జలపాతం. డుంబ్రిగుడ జలపాతాలుగా కూడా పిలవబడే ఈ ప్రదేశం, దట్టమైన అడవులు, కాఫీ తోటల మధ్య సహజమైన జలపాతాలు, రాతి జారడు బండలతో పర్యాటకులను ఆకట్టుకుంటుంది. ఇది పిక్నిక్‌లకు, ప్రకృతి ప్రేమికులకు అనువైన ప్రదేశం.

ఈ వార్తలు కూడా చదవండి..

పాలను ఇలా తాగితే హైబీపీకి చెక్.. సింపుల్ చిట్కా..

గంటల తరబడి కూర్చొని పని చేస్తున్నారా? అయితే ఈ నష్టం తప్పదు

For More Latest News