వారానికి ఎన్ని సార్లు నూనె రాస్తే జుట్టు బలంగా ఉంటుంది?

ఇంటర్నెట్ డెస్క్: వేసవిలో ఎండ తీవ్రత, చెమట, దుమ్ము, కాలుష్యం కారణంగా జుట్టు పొడిబారి నిర్జీవంగా మారుతుంది. దీంతో జుట్టు బలహీనపడటమే కాకుండా చిట్లిపోవడం, రాలిపోవడం వంటి సమస్యలు కూడా పెరుగుతాయి. అందుకే ఈ కాలంలో జుట్టుకు సరైన విధంగా నూనె రాసుకోవడం చాలా ముఖ్యం అని నిపుణులు చెబుతున్నారు.

ఎప్పుడు నూనె రాసుకోవాలి?

వేసవిలో రాత్రి సమయంలో జుట్టుకు తేలికగా నూనె రాసుకుని, ఉదయం తలస్నానం చేయడం మంచిది. ఇలా చేయడం వల్ల తల చర్మానికి పోషణ అందుతుంది. అలాగే జుట్టు పొడిబారకుండా కాపాడటానికి సహాయపడుతుంది.

గోరువెచ్చని నూనె వాడితే మంచిది

జుట్టుకు నూనె రాసుకునే ముందు కొద్దిగా గోరువెచ్చగా చేసుకోవాలి. తర్వాత నెమ్మదిగా తల చర్మానికి మసాజ్ చేయాలి. ఇలా చేయడం వల్ల రక్త ప్రసరణ మెరుగుపడి జుట్టు కుదుళ్లు బలపడతాయి.

వారానికి ఎన్నిసార్లు నూనె రాసుకోవాలి?

వేసవిలో ప్రతిరోజూ నూనె రాసుకోవాల్సిన అవసరం లేదు. వారానికి ఒకటి లేదా రెండు సార్లు నూనె రాసుకుంటే సరిపోతుంది. ఎక్కువగా నూనె వాడితే చెమట, దుమ్ము ఎక్కువగా పేరుకుని జుట్టు జిడ్డుగా మారే అవకాశం ఉంటుంది.

జుట్టు ఆరోగ్యంగా ఉండాలంటే…

జుట్టు ఆరోగ్యంగా, ఒత్తుగా పెరగడానికి కేవలం నూనెలు, షాంపూలు మాత్రమే సరిపోవు. మంచి పోషకాహారం, సరైన జీవనశైలి చాలా అవసరం. చిన్న చిన్న జాగ్రత్తలు పాటిస్తే వేసవిలో కూడా జుట్టు ఆరోగ్యంగా, మెరిసేలా ఉంచుకోవచ్చు.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

సిగరెట్లు తాగకపోయినా పెదాలు నల్లగా ఉన్నాయా? ఈ చిట్కాలు ట్రై చేయండి

రాగి బాటిల్‌లో నీళ్లు తాగుతున్నారా? ఈ తప్పులు మాత్రం చేయొద్దు