కల్తీ పనీర్‌ను ఇలా గుర్తించండి

ఇంటర్నెట్ డెస్క్: పనీర్.. ప్రోటీన్, కాల్షియం, ఆరోగ్యకరమైన కొవ్వులతో కూడిన పోషకాహారాల గని. ఇది ఎముకల బలానికి, కండరాల నిర్మాణానికి, బరువు నియంత్రణకు, జీర్ణక్రియను మెరుగుపరచడంలో చాలా బాగా సహాయపడుతుంది. శాఖాహారులకు ఇది అద్భుతమైన ప్రోటీన్ మూలం. డయాబెటిస్, గుండె ఆరోగ్యానికి ఎంతో మేలు చేస్తుంది.

అయితే, ఈ రోజుల్లో మార్కెట్‌లో కల్తీ పనీర్ ఎక్కువగా కనిపిస్తోంది. ఇది ఆరోగ్యానికి హానికరం. కల్తీ పనీర్ వాడకం కాలేయం, కిడ్నీ దెబ్బతినడం, జీర్ణ సమస్యలు, క్యాన్సర్, హార్మోన్ల అసమతుల్యత వంటి తీవ్రమైన ఆరోగ్య సమస్యలకు దారితీస్తుంది. పనీర్ తయారీలో యూరియా, డిటర్జెంట్లు, ఫార్మాలిన్, పామాయిల్, స్టార్చ్ వంటి హానికరమైన పదార్థాలను కలుపుతున్నారు, ఇవి శరీరానికి విషపూరితంగా మారతాయి. అందుకే మనం తీసుకునే పనీర్ కల్తీదా లేక స్వచ్ఛమైనదా అని తెలుసుకోవడం చాలా ముఖ్యం. కల్తీ పనీర్‌ను ఎలా గుర్తించాలో ఇప్పుడు తెలుసుకుందాం..

కల్తీ పనీర్ ఎలా గుర్తించాలి?

• అయోడిన్ టెస్ట్ (స్టార్చ్ పరీక్ష): పనీర్‌పై ఒక చుక్క అయోడిన్ ద్రావణం వేయండి.

  అది నీలం లేదా నలుపు రంగులోకి మారితే అది కల్తీ పనీర్ అని అర్థం.

• వేడి పరీక్ష (ఫ్యాట్ క్వాలిటీ టెస్ట్): పనీర్‌ను బాణలిలో వేడి చేయండి. దుర్వాసన వస్తే

  అది నాణ్యతలేని లేదా కల్తీ పనీర్ అని తెలుసుకోవాలి.

• చేతితో నొక్కి చూడడం: పనీర్ ముక్కను చేతితో నొక్కి చూడండి. పొడిగా విరిగితే స్వచ్ఛమైన పనీర్ అని, రబ్బరులా సాగితే కల్తీ పనీర్ అని గుర్తించాలి.

పనీర్ కొనుగోలు చేసే ముందు జాగ్రత్తగా ఉండాలి. చిన్న చిన్న పరీక్షలతోనే మనం కల్తీని గుర్తించవచ్చు. ఆరోగ్యాన్ని కాపాడుకోవడానికి నాణ్యమైన, స్వచ్ఛమైన పనీర్‌ను మాత్రమే వాడటం మంచిది.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

ఆరోగ్య బీమా లేదా అత్యవసర నిధి.. ఏది ముఖ్యం

పెర్ఫ్యూమ్ అవసరం లేకుండా చెమట వాసన పోవాలా? ఈ చిట్కాలు ఫాలో అవండి

For More Latest News