చక్కెర డబ్బాలో చీమలా.. ఇలా చెక్ పెట్టండి..

ఇంటర్నెట్ డెస్క్: వంటగదిలోని చక్కెర డబ్బాలో చీమలు చేరడం చాలా మందికి ఎదురయ్యే సాధారణ సమస్య. ఎంత శుభ్రంగా ఉంచినా తీపి వాసనకు చీమలు ఆకర్షితమై లోపలికి చేరిపోతాయి. దీంతో చాలా మంది చక్కెరను పారేయడం లేదా ఎండలో పెట్టడం వంటి పనులు చేస్తుంటారు. అయితే, ఇంట్లోనే ఉండే ఒక సాధారణ మసాలా దినుసుతో ఈ సమస్యను సులభంగా, ఎలాంటి హాని లేకుండా పరిష్కరించుకోవచ్చు.

లవంగాలు :

లవంగాలు చీమలను తరిమికొట్టడంలో చాలా ప్రభావవంతంగా పనిచేస్తాయి. చక్కెర డబ్బాలో 5–6 లవంగాలు వేసి మూతను కొద్దిగా తెరిచి ఉంచితే, వాటి ఘాటైన వాసనకు చీమలు తట్టుకోలేక వెళ్లిపోతాయి. చీమలు రాకుండా ఉండాలంటే, డబ్బాలో 4–5 లవంగాలు ఎప్పుడూ ఉంచడం మంచిది. దీని వల్ల చక్కెరకు మంచి వాసన కూడా వస్తుంది.

దాల్చిన చెక్క పొడి:

లవంగాలు లేకపోతే, డబ్బా చుట్టూ కొద్దిగా దాల్చిన చెక్క పొడి చల్లితే కూడా చీమలు దూరంగా ఉంటాయి.

బిర్యానీ ఆకు:

చక్కెర డబ్బాలో ఒక బిర్యానీ ఆకు వేస్తే దాని వాసన కూడా చీమలను రానివ్వదు.

వెనిగర్ ఉపయోగం:

వెనిగర్ కూడా చీమలను దూరం చేయడంలో చాలా ప్రభావవంతమైన సహజ మార్గం. చీమలు వెనిగర్ వాసనను సహించలేవు. ఒక స్ప్రే బాటిల్‌లో వెనిగర్, నీరు సమానంగా కలిపి, చీమలు తిరిగే ప్రాంతాల్లో స్ప్రే చేస్తే అవి వెంటనే దూరమవుతాయి.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

మటన్ తినడం వల్ల నిజంగా యూరిక్ యాసిడ్ పెరుగుతుందా..

ఇంట్లో కుక్కలను పెంచడం వల్ల కలిగే ప్రయోజనాలు మీకు తెలుసా..

For More Latest News