ఉదయం గుడ్లు తినడం మంచిదా? ఎన్ని గుడ్లు తినాలి?

ఇంటర్నెట్ డెస్క్: ఉదయం బ్రేక్‌ఫాస్ట్‌లో గుడ్లు తినడం చాలా మంచిది. ఇవి అధిక నాణ్యత ప్రోటీన్, విటమిన్లు, ఖనిజాలకు మంచి మూలం. ఇవి శరీరానికి రోజంతా అవసరమైన శక్తిని అందిస్తాయి. బరువు తగ్గడానికి, కండరాల నిర్మాణానికి, మెదడు ఆరోగ్యానికి సహాయపడతాయి. ఉడికించిన గుడ్లు (boiled eggs) తీసుకోవడం ఆరోగ్యకరమైన అలవాటు.

ఉదయాన్నే ఎన్ని గుడ్లు తినాలి?

• సాధారణ ఆరోగ్యవంతులు 1–2 గుడ్లు ఉదయాన్నే తినడం సురక్షితం.

• కోలెస్ట్రాల్ సమస్యలు ఉన్నవారు ఉదయం ఉడకబెట్టిన గుడ్డును బ్రేక్‌ఫాస్ట్‌లో తీసుకోవచ్చు. కానీ పచ్చసొన (yolk) తగ్గించి, తెల్లసొన (white) తీసుకోవడం మంచిది. వారానికి 3-4 పచ్చసొనలకు మించకుండా ఉంటే సురక్షితం.

• క్రీడాకారులు లేదా శక్తి ఎక్కువ అవసరమున్నవారు 2–3 గుడ్లు ఉదయాన్నే తీసుకోవడం ఫిట్‌నెస్ కోసం ఉపయోగకరం.

  

ఆరోగ్య ప్రయోజనాలు:

• ఉదయం పూట గుడ్లు తినడం వల్ల రోజంతా చురుగ్గా ప‌నిచేయ‌గ‌లుగుతారు, ముఖ్యంగా వ్యాయామం చేసిన తర్వాత తింటే చాలా మేలు జరుగుతుంది.

• గుడ్లు తినడం వల్ల కడుపు నిండిన అనుభూతి కలిగి, ఆకలి తగ్గి, రోజువారీ క్యాలరీల వినియోగం తగ్గుతుంది, తద్వారా బరువు తగ్గడానికి సహాయపడతాయి.

• గుడ్లలో ప్రోటీన్‌తో పాటు విటమిన్ A, B12, ఒమేగా-3 ఫ్యాటీ యాసిడ్లు పుష్కలంగా ఉంటాయి, ఇవి రోగనిరోధక శక్తిని పెంచుతాయి.

• గుడ్లలో ఉండే 'కొలిన్' మెదడు ఆరోగ్యానికి, జ్ఞాపకశక్తికి మేలు చేస్తుంది. కంటి శుక్లాలు రాకుండా నిరోధించడంలో కూడా ఇవి సహాయపడతాయి.

జాగ్రత్తలు

ఉదయం అల్పాహారంలో 1–2 గుడ్లను తీసుకోవడం ఆరోగ్యానికి మంచిది. అధికంగా గుడ్లు తినడం కొలెస్ట్రాల్ పెరగడానికి కారణం కావచ్చు. వ్యక్తిగత ఆరోగ్యం, బరువు, కోలెస్ట్రాల్ స్థాయిలను బట్టి డాక్టర్ లేదా డైటీషియన్ సూచనల ప్రకారం మాత్రమే గుడ్లను తీసుకోవాలి. మీకు ఏవైనా ఆరోగ్య సమస్యలు (కొలెస్ట్రాల్, గుండె సమస్యలు) ఉంటే, వైద్యుని సలహా మేరకు గుడ్లను ఆహారంలో చేర్చుకోవడం మంచిది.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

ఈ వార్తలు కూడా చదవండి..

పాలను ఇలా తాగితే హైబీపీకి చెక్.. సింపుల్ చిట్కా..

గంటల తరబడి కూర్చొని పని చేస్తున్నారా? అయితే ఈ నష్టం తప్పదు

For More Latest News