కొబ్బరికాయ రంగును చూసి నీరు తియ్యగా ఉందో లేదో తెలుసుకోవచ్చా?

ఇంటర్నెట్ డెస్క్: కొబ్బరికాయ రంగు చూసి నీరు తియ్యగా ఉందో లేదో సులభంగా తెలుసుకోవచ్చు. కొబ్బరి నీరు ఆరోగ్యానికి ఎంతో మేలు చేస్తుంది. ముఖ్యంగా తియ్యటి కొబ్బరి నీరు తాగడానికి చాలా రుచిగా ఉంటుంది. ఇది శరీరానికి తేమను అందించడం సహా చర్మాన్ని కాంతివంతంగానూ ఉంచుతుంది. కానీ చాలా మందికి కొబ్బరికాయ కొనేటప్పుడు అందులోని నీరు తియ్యగా ఉందో లేదో గుర్తించడం కష్టంగా ఉంటుంది. అయితే.. కొబ్బరికాయ రంగును చూసి నీరు తియ్యగా ఉందో లేదో తెలుసుకునే కొన్ని చిట్కాలను ఓసారి చూద్దాం..

రంగు ద్వారా..

ముదురు ఆకుపచ్చ లేదా లేత పసుపు రంగులో ఉన్న కొబ్బరికాయలు సాధారణంగా తాజాగా ఉంటాయి. వాటిలోని నీరు తియ్యగా ఉండేందుకు అవకాశం ఉంటుంది. గోధుమ రంగు ఎక్కువగా ఉన్నవి లేదా మచ్చలతో ఉన్నవి పాతవి కావచ్చు, వాటిని తీసుకోకపోవడం మంచిది.

శబ్దం ద్వారా పరీక్ష

కొబ్బరికాయను చెవి దగ్గర ఉంచి తేలికగా ఊపాలి. లోపల నీరు కదులుతున్న శబ్దం స్పష్టంగా వినిపిస్తే, అది నీటితో నిండిన మంచి కొబ్బరికాయ అని అర్థం.

తాకి చూసి తెలుసుకోవడం

కొబ్బరికాయపై మూడు చిన్న గుర్తులు(కళ్లలా కనిపించే భాగాలు) ఉంటాయి. వాటిని నొక్కి చూడండి. పైభాగం కొంచెం మెత్తగా అనిపిస్తే, ఆ కొబ్బరి నీరు తాజాగా, తియ్యగా ఉండే అవకాశం ఉంది.

బరువు, ఆకారం

బరువుగా అనిపించే కొబ్బరికాయలను ఎంచుకోవాలి. అవి ఎక్కువ నీటితో నిండివుంటాయి. తేలికగా ఉన్నవి నీరు తక్కువగా ఉన్నట్లు సూచిస్తాయి. అలాగే గుండ్రని కొబ్బరికాయల కంటే కొంచెం పొడవుగా లేదా శంఖాకారంగా ఉన్నవి ఎంచుకుంటే మంచి నీరు దొరికే అవకాశం ఉంటుంది.

ఈ చిన్న చిట్కాలు పాటిస్తే తియ్యని, తాజా కొబ్బరి నీటిని సులభంగా ఎంచుకోవచ్చు. దీంతో ఆరోగ్యానికి మేలు కలగడమే కాకుండా రుచికరమైన అనుభవం కూడా పొందవచ్చు.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

ఆరోగ్య బీమా లేదా అత్యవసర నిధి.. ఏది ముఖ్యం

పెర్ఫ్యూమ్ అవసరం లేకుండా చెమట వాసన పోవాలా? ఈ చిట్కాలు ఫాలో అవండి

For More Latest News