టాయిలెట్ల క్లీనింగ్ నుంచి లక్షల కోట్ల సామ్రాజ్యం వరకు.. జెన్సన్ హువాంగ్ జీవితంలో అనూహ్య మలుపులు!

ఇంటర్నెట్ డెస్క్: ఒకప్పుడు స్కూల్లో టాయిలెట్లు శుభ్రం చేసిన బాలుడు.. ఆర్థిక ఇబ్బందులతో రెస్టారెంట్‌లో పనిచేసిన యువకుడు.. ఆ తర్వాత ప్రపంచ టెక్నాలజీ రంగాన్ని శాసించే స్థాయికి ఎదిగాడు. కృత్రిమ మేధ (AI) విప్లవానికి అవసరమైన చిప్స్‌ను తయారు చేస్తూ ప్రపంచంలోనే అత్యంత విలువైన కంపెనీల్లో ఒకటిగా ఎన్విడియాను నిలబెట్టాడు. చివరకు వివాహేతర సంబంధాల కారణంగా తన పదవిని, పరపతిని కోల్పోయాడు.. ఆయనే ఎన్విడియా సంస్థ సీఈవో జెన్సన్ హువాంగ్. మూడు దశాబ్దాలకు పైగా ఎన్విడియాతో విడదీయరాని అనుబంధం కలిగిన ఆయన చివరకు తన పదవికి రాజీనామా చేశారు (Jensen Huang).

జెన్సన్ హువాంగ్ 1963లో తైవాన్ రాజధాని తైపేలో జన్మించారు. చిన్నతనంలో ఆయన కుటుంబం థాయ్‌లాండ్‌కు వెళ్లింది. అనంతరం మెరుగైన భవిష్యత్తు కోసం ఆయన తల్లిదండ్రులు అమెరికాకు పంపించారు. అమెరికాలోని కెంటకీలో ఒక బోర్డింగ్ పాఠశాలలో ఆయన, ఆయన సోదరుడు చేరారు. అయితే అది సాధారణ విద్యార్థుల పాఠశాల కాదు. సమస్యాత్మక యువత కోసం నిర్వహించే పాఠశాల కావడంతో అక్కడ జెన్సన్ ఎన్నో ఇబ్బందులు ఎదుర్కొన్నారు. ఆంగ్ల భాషపై పట్టు లేకపోవడంతో తోటి విద్యార్థుల నుంచి వేధింపులు ఎదురయ్యాయి. పాఠశాలలో మరుగుదొడ్లను కూడా శుభ్రం చేయాల్సి వచ్చేది (Jensen Huang Biography).

ఆ తర్వాత ఒరెగాన్‌లో కాలేజ్ విద్య అభ్యసిస్తూ రెస్టారెంట్‌లో పని చేశారు. ఒరెగాన్ స్టేట్ యూనివర్సిటీలో ఎలక్ట్రికల్ ఇంజినీరింగ్ చదివారు. కేవలం 20 ఏళ్ల వయసులోనే పట్టభద్రులయ్యారు. అనంతరం స్టాన్‌ఫోర్డ్ యూనివర్సిటీలో మాస్టర్స్ డిగ్రీ పూర్తి చేశారు. తొలుత ఏఎండీ (AMD) సంస్థలో చిప్ డిజైనర్‌గా పనిచేశారు. ఆ తర్వాత ఎల్ఎస్ఐ లాజిక్‌లో ఉద్యోగం చేశారు. ఈ అనుభవం ఆయనకు సెమీకండక్టర్ పరిశ్రమపై లోతైన అవగాహన కల్పించింది. 1993లో జెన్సన్ హువాంగ్ మరో ఇద్దరు ఇంజినీర్లతో కలిసి ఎన్విడియా (Nvidia) సంస్థను స్థాపించారు. కేవలం 40 వేల డాలర్ల ప్రారంభ పెట్టుబడితో ప్రయాణం మొదలుపెట్టారు.

సాధారణ కంప్యూటర్లు చేయలేని క్లిష్టమైన పనులను వేగంగా నిర్వహించే చిప్స్ తయారు చేయాలన్నది వారి లక్ష్యం. ముఖ్యంగా త్రీడీ గ్రాఫిక్స్, వీడియో గేమ్స్ రంగానికి అవసరమైన ప్రాసెసర్లపై దృష్టి పెట్టారు. 1999లో ఎన్విడియా జీపీయూ (GPU)ను పరిచయం చేసింది. గ్రాఫిక్స్ ప్రాసెసింగ్ యూనిట్లుగా పిలిచే ఈ చిప్స్ మొదట వీడియో గేమ్స్, కంప్యూటర్ గ్రాఫిక్స్ కోసం ఉపయోగపడ్డాయి. అయితే తర్వాత వీటికి మరో భారీ అవకాశం లభించింది. ఏఐ సాంకేతికతకు అవసరమైన భారీ గణనలను నిర్వహించడంలో జీపీయూలు అత్యంత కీలకంగా మారాయి (Nvidia Success Story).

ఇక, ప్రపంచవ్యాప్తంగా ఏఐ వినియోగం పెరిగిన తర్వాత ఎన్విడియా చిప్స్‌కు డిమాండ్ విపరీతంగా పెరిగింది. చాట్‌జీపీటీ వంటి జనరేటివ్ ఏఐ వ్యవస్థలకు అవసరమైన భారీ కంప్యూటింగ్ సామర్థ్యాన్ని అందించడంలో ఈ సంస్థ తయారు చేసే జీపీయూలు కీలక పాత్ర పోషించాయి. ఎన్విడియా చిప్స్‌కు డిమాండ్ పెరగడంతో కంపెనీ ఆదాయాలు, లాభాలు భారీగా వృద్ధి చెందాయి. 2026 నవంబర్ నాటికి ఎన్విడియా మార్కెట్ విలువ సుమారు 4.5 ట్రిలియన్ డాలర్ల (దాదాపు రూ.4.5 లక్షల కోట్లు)కు చేరింది. ఆయన వ్యక్తిగత సంపద కూడా భారీగా పెరిగింది (Nvidia $4.5 Trillion).

వృత్తిపరంగా ఎన్నో విజయాలు సాధించి అమెరికా అధ్యక్షుడికి కూడా చేరువైన జెన్సన్ హువాంగ్‌ను వ్యక్తిగత జీవితంలో వివాదాలు చుట్టుముట్టాయి (Jensen Huang Resignation). చైనా గూఢచారిగా భావిస్తున్న ఆలిస్ హువాంగ్ అనే మహిళతో జెన్సన్ అఫైర్ బయటకు రావడం తీవ్ర వివాదాస్పదమైంది. చివరకు ఎన్విడియాలోనే ఇద్దరు మహిళలతో కూడా జెన్సన్ అఫైర్లు నడిపినట్టు వెలుగులోకి వచ్చింది. ఈ వివాదాల నేపథ్యంలో ఎన్విడియా సీఈవో పదవికి జెన్సన్ హువాంగ్ రాజీనామా చేశారు.

ఈ వార్తలనూ చదవండి:

విశాఖలో 31వ సీఐఐ పార్ట్‌నర్‌షిప్ సమ్మిట్-2026 ప్రారంభం

ఏపీకి పెట్టుబడుల వరద.. తొలిరోజే రూ.1.57 లక్షల కోట్ల ఒప్పందాలు