పర్షియన్ గల్ఫ్‌లో దాడులు.. ఆయిల్ ట్యాంకర్‌ను పేల్చేసిన ఇరాన్..

పశ్చిమాసియాలో ఉద్రిక్తతలు రోజు రోజుకూ ముదురుతున్నాయి. అమెరికా, ఇజ్రాయెల్ దాడులకు ఇరాన్ కూడా దీటుగా స్పందిస్తోంది. హోర్ముజ్ జలసంధిని దిగ్బంధనం చేసి ప్రపంచ చమురు సరఫరాకు తీవ్ర ఆటంకం కలిగిస్తోంది. ఆ జలసంధి గుండా వెళుతున్న నౌకలను లక్ష్యంగా చేసుకుని దాడులకు పాల్పడుతోంది. ఆ జలసంధిలో అడుగడుగునా సీ మైన్స్‌ను ఏర్పాటు చేసింది (Oil tanker fire Persian Gulf).

తాజాగా పర్షియన్ గల్ఫ్‌లోని ఓ ఆయిల్ ట్యాంకర్‌ను ఇరాన్ పేల్చేసినట్టు టర్కీ ఆధ్వర్యంలోని ఓ మీడియా సంస్థ వెల్లడించింది. 'పర్షియన్ గల్ఫ్‌లోని ఉమ్ ఖాసర్ ఓడరేవు దగ్గర దాడి తర్వాత, ఇరాక్‌లోని బాస్రా సమీపంలోని ప్రాదేశిక జలాల్లో విదేశీ చమురు ట్యాంకర్ మంటల్లో చిక్కుకుంది' అని ఆ మీడియా సంస్థ పేర్కొంది. మంటల్లో చిక్కుకున్న ఆయిల్ ట్యాంకర్‌కు సంబంధించిన వీడియో సోషల్ మీడియాలో వైరల్ అవుతోంది (Iran war tanker attack).

ఆ చమురు ట్యాంకర్ నుంచి భారీగా మంటలు ఎగిసిపడుతున్నాయి (Persian Gulf video). కాగా, ఈ దాడికి తమదే బాధ్యత అని ఇరాన్ అంగీకరించింది. చమురు ట్యాంకర్లపై దాడి చేయడానికి ఇరాన్ నావికాదళ డ్రోన్‌లను ఉపయోగిస్తున్నట్లు సమాచారం. కాగా, తాజా దాడిలో ఒకరు మరణించినట్టు వార్తలు వస్తున్నాయి.

ఇవి కూాడా చదవండి..

స్థిరంగా బంగారం, స్వల్పంగా తగ్గిన వెండి.. ఈ రోజు ధరలు ఎలా ఉన్నాయంటే..

ఉత్తర కొరియా క్షిపణి ప్రయోగాలు.. కూతురితో కలిసి వీక్షించిన కిమ్..