అవసరమైతే ఇరాన్పై మరోసారి దాడి చేస్తాం.. ఇజ్రాయెల్
ABN , Publish Date - Jul 01 , 2026 | 09:46 AM
ఇరాన్ అణు కార్యక్రమాలపై ఇజ్రాయెల్ ప్రధాని బెంజమిన్ నెతన్యాహు మరోసారి తీవ్ర హెచ్చరికలు జారీ చేశారు. ఇరాన్ అణు దేశంగా మారడాన్ని తాము ఎంతమాత్రం సహించబోమని, అవసరమైతే ఇరాన్పై మరోసారి సైనిక దాడి చేయడానికి కూడా వెనుకాడబోమన్నారు.
ఆంధ్రజ్యోతి, జూలై 1: ఇరాన్ అణు కార్యక్రమాలపై ఇజ్రాయెల్ ప్రధాని బెంజమిన్ నెతన్యాహు మరోసారి తీవ్ర హెచ్చరికలు జారీ చేశారు. ఇరాన్ అణు దేశంగా మారడాన్ని తాము ఎంతమాత్రం సహించబోమని, ఆ దేశ అణు కార్యక్రమాల పట్ల అత్యంత కఠిన వైఖరిని అనుసరిస్తామని ఆయన స్పష్టం చేశారు. ప్రాంతీయ భద్రత, ఇజ్రాయెల్ సార్వభౌమత్వాన్ని కాపాడుకోవడానికి అవసరమైతే ఇరాన్పై మరోసారి సైనిక దాడి చేయడానికి కూడా వెనుకాడబోమని నెతన్యాహు తేల్చిచెప్పారు. ఇజ్రాయెల్లో తాజాగా జరిగిన ఓ ఉన్నత స్థాయి సమావేశంలో నెతన్యాహు మాట్లాడుతూ.. ఇరాన్ అణ్వాయుధాలను తయారు చేయకుండా అడ్డుకోవడమే తమ ప్రధాన లక్ష్యమని పేర్కొన్నారు.
ఇరాన్ గనుక పరిమితులు దాటి అణు సంపత్తిని పెంచుకుంటే, గతంలో చేసిన విధంగానే మరోసారి వారి అణు కేంద్రాలపై లేదా వ్యూహాత్మక స్థావరాలపై మెరుపు దాడులు చేయడానికి ఇజ్రాయెల్ సిద్ధంగా ఉందని హెచ్చరించారు. ఇజ్రాయెల్ రక్షణ విషయంలో తాము ఎలాంటి ఒత్తిళ్లకు లొంగబోమని, అంతర్జాతీయ సమాజం మద్దతు ఉన్నా, లేకపోయినా తమ దేశాన్ని కాపాడుకుంటామని ఆయన స్పష్టం చేశారు.
గత కొంతకాలంగా ఇజ్రాయెల్ - ఇరాన్ మధ్య దౌత్యపరమైన, సైనికపరమైన ఉద్రిక్తతలు పతాక స్థాయికి చేరిన సంగతి తెలిసిందే. ఇరాన్ మద్దతు ఉన్న వివిధ గ్రూపులు ఇజ్రాయెల్ను లక్ష్యంగా చేసుకోవడం, దానికి ప్రతిగా ఇజ్రాయెల్ ఇరాన్ భూభాగంలోని సైనిక స్థావరాలపై దాడులు చేయడం ఇరు దేశాల మధ్య యుద్ధ వాతావరణాన్ని పెంచింది.
ఇవి కూడా చదవండి
ధాన్యం ఉత్పత్తి, సేకరణలో దేశంలోనే తెలంగాణ టాప్: తుమ్మల
హీరో అవ్వాలని చూశాడు.. తిలక్ వర్మపై కృష్ణమాచారి సంచలన వ్యాఖ్యలు!
