ఉక్రెయిన్‌లో ఫ్రీడ్రిచ్ మెర్జ్ మెర్జ్ పర్యటన వేళ రష్యా డ్రోన్ దాడులు.. ఉక్రెయిన్‌కు జర్మనీ €1.3 బిలియన్ల సాయం

Germany Ukraine Aid Package: జర్మనీ కొత్త ఛాన్సలర్ ఫ్రీడ్రిచ్ మెర్జ్ ఉక్రెయిన్ రాజధాని కీవ్‌లో ఆకస్మిక పర్యటన జరుపుతుండగానే, రష్యా తన దాడిని మరింత తీవ్రతరం చేసింది. ఆదివారం ఉదయం కీవ్‌లోని కీలకవంతమైన పివ్నిచ్నీ బ్రిడ్జ్ (Pivnichnyi Bridge) సహా పలు ప్రాంతాలపై రష్యా డ్రోన్లు, క్షిపణులతో విరుచుకుపడింది.

రష్యా దాడులను నిరోధించడానికి, రాబోయే శీతాకాలంలో ఉక్రెయిన్‌‌కు అండగా నిలవడానికి జర్మనీ €1.3 బిలియన్ యూరోల (సుమారు రూ.12,000 కోట్లు) భారీ రక్షణ, ఇంధన సహాయక ప్యాకేజీని ప్రకటించింది.

కాగా, శనివారం రాత్రి నుంచి రష్యా 135 డ్రోన్లతో దాడులు చేసిందని ఉక్రెయిన్ అధ్యక్షుడు వ్లాదిమిర్ జెలెన్స్కీ వెల్లడించారు. వీటిలో 50కి పైగా జెట్-పవర్డ్ డ్రోన్లు కావడం గమనార్హం. కీవ్‌లో తూర్పు, పశ్చిమ ప్రాంతాలను కలిపే ప్రధాన పివ్నిచ్నీ వంతెనపై డ్రోన్ దాడి జరగడంతో రహదారి తీవ్రంగా దెబ్బతింది. సుమీ ప్రాంతంలోని ఒక ఫార్మాస్యూటికల్ గిడ్డంగిపై జరిగిన దాడిలో ఒకరు మరణించగా, ద్నెప్రో లో ఆరుగురు గాయపడ్డారు.

ఈ వార్తలూ చదవండి

పాక్ హనీట్రాప్‌లో భారత నేవీ ఉద్యోగి.. రక్షణ రహస్యాల లీక్ ఆరోపణలపై అరెస్ట్

క్షణాల్లో ఘోరం.. 100 మీటర్ల లోయలో పడ్డ కారు!