Share News

జెన్సన్ హువాంగ్‌ రాజీనామా ఎఫెక్ట్.. ఎన్విడియాను వీడిన రోబోటిక్స్ ఇంజినీర్

ABN , Publish Date - Nov 16 , 2026 | 01:03 PM

టెక్ దిగ్గజం ఎన్విడియా నుంచి ఆ సంస్థ మాజీ సీఈఓ జెన్సన్ హువాంగ్‌ బయటకొచ్చిన తరువాత పలు కీలక పరిణామాలు చోటుచేసుకుంటున్నాయి.

జెన్సన్ హువాంగ్‌ రాజీనామా ఎఫెక్ట్.. ఎన్విడియాను వీడిన రోబోటిక్స్ ఇంజినీర్

ఇంటర్నెట్ డెస్క్: టెక్ దిగ్గజం ఎన్విడియా నుంచి ఆ సంస్థ మాజీ సీఈఓ జెన్సన్ హువాంగ్‌ బయటకొచ్చిన తరువాత పలు కీలక పరిణామాలు చోటుచేసుకుంటున్నాయి. సీఈఓ పదవికి హువాంగ్‌ రాజీనామా చేసిన కొన్ని రోజులకే ఆ కంపెనీలోని సీనియర్ రోబోటిక్స్ రీసెర్చ్ ఇంజనీర్ డారెల్ డై కూడా తన ఉద్యోగం నుంచి వైదొలిగారు. ఈ విషయాన్ని ఆయన భావోద్వేగంతో ఎక్స్ వేదికగా పంచుకున్నారు. వరుస వివాహేతర సంబంధాల ఆరోపణలతో జెన్సన్ హువాంగ్‌ చిక్కుల్లో పడిన విషయం తెలిసిందే. చైనా గూఢచారిణిగా భావిస్తున్న మహిళతో ఆయనకు సంబంధాలున్నాయనే ఆరోపణలు వ్యక్తమయ్యాయి. దీంతో హువాంగ్‌ నవంబర్ 12 తన పదవికి రాజీనామా చేసేశారు. ఈ నేపథ్యంలో ఎన్విడియా కీలక ఉద్యోగి కూడా బయటకు రావడం చర్చనీయాంశమైంది.


ఈ సందర్భంగా మాజీ సీఈఓ అందించిన సేవలను డారెల్ డై కొనియాడారు. ‘జెన్సన్ హువాంగ్‌ ముందుచూపు, ఇంజనీరింగ్ కల్చర్ కారణంగా ఎన్విడియాలో ఇన్ని రోజులూ పనిచేశాను. ఈ సంస్థ నుంచి ఆయన వెళ్లిపోయాక నేనూ తప్పుకోవాలనుకుంటున్నాను’ అని డారెల్ పేర్కొన్నారు. పనిచేసే వారి కోసం హువాంగ్ చక్కటి వాతావరణాన్ని కల్పించారని మెచ్చుకున్నారు. ‘ఉద్యోగుల కోసం హువాంగ్ ప్రత్యేకమైన వాతావరణాన్ని కల్పించారు. ఆయన ఉద్యోగులతో నేరుగా మాట్లాడేవారు. ఇంజినీర్లు కొత్త విషయాలను తెలుసుకునేలా ప్రోత్సహించేవారు. మేం చేసిన తప్పుల నుంచి నేర్చుకోవాలని సూచించేవారు. ఆయన రాజీనామా నన్ను ఎంతో బాధపెట్టింది. ఈ సంస్థ నుంచి నేను కృతజ్ఞతా భావంతో బయటకొస్తున్నా’ అని ఆ సీనియర్ ఇంజినీర్ తెలిపారు.

అయితే హువాంగ్‌ రాజీనామా వెనుక పరిణామాలపై తమకు ఎలాంటి వివరణలూ ఎన్విడియా ఇవ్వలేదని డారెల్ చెప్పారు. ఆయనపై వచ్చిన ఆరోపణ గురించి తనకేమీ తెలియదని వివరించారు. వాటిపై విచారణ జరిపించాలని వెల్లడించారు. కాగా తిరిగి హువాంగ్‌ సంస్థలోకి రావాలంటూ పలువురు ఉద్యోగులు కోరుతున్నారు. ఇందుకోసం ఎన్విడియాకు వారు 1,600 అభ్యర్థనలు పంపారు. అలాగే లక్షన్నర సంతకాలను సేకరించారు.


ఈ వార్తలూ చదవండి

మరో వివాదంలో జెన్సన్ హువాంగ్‌.. అంతర్గత విచారణ చేపట్టిన ఎన్విడియా..!

ఎన్విడియా పగ్గాలు మళ్లీ హువాంగ్ చేతికేనా?.. రంగంలోకి టెక్ దిగ్గజాలు..!

Updated Date - Nov 16 , 2026 | 01:18 PM