శాంతి ఒప్పందాన్ని ధ్రువీకరించిన ఇరాన్..

టెహ్రాన్ (ఇరాన్), జూన్ 15: అమెరికాతో శాంతి ఒప్పందం (అవగాహన ఒప్పందం - MoU) కుదిరినట్లు ఇరాన్ అధికారికంగా ధ్రువీకరించింది. అయితే, వాషింగ్టన్ తన వాగ్దానాలను పూర్తిగా నెరవేర్చినట్లు క్షేత్రస్థాయిలో నిర్ధారించుకున్న తర్వాతే.. తుది ఒప్పందం కోసం ప్రతిపాదించిన '60 రోజుల చర్చల కాలం' (60-day negotiation period) లోకి అడుగుపెడతామని ఇరాన్ స్పష్టం చేసింది. ఇరాన్ న్యాయ, అంతర్జాతీయ వ్యవహారాల డిప్యూటీ విదేశాంగ మంత్రి కాజెం ఘరీబాబాదీ ఈ వివరాలను వెల్లడించారు. ఇరాన్ ప్రభుత్వ అనుబంధ 'ప్రెస్ టీవీ' తో ఆయన మాట్లాడుతూ, రాబోయే శుక్రవారం (జూన్ 19) స్విట్జర్లాండ్‌లో ఈ ఒప్పందంపై అధికారిక సంతకాల కార్యక్రమం జరుగుతుందని, ఆ తర్వాతే ఈ అవగాహన ఒప్పందం (MoU) యొక్క పూర్తి పాఠాన్ని బహిరంగపరుస్తామని చెప్పారు.

శత్రువుపై మాకు నమ్మకం లేదు: ఇరాన్ డిప్యూటీ విదేశాంగ మంత్రి

ఈ ఒప్పందం దౌత్యం వల్ల మాత్రమే సాధ్యం కాలేదని, ఇరాన్ సాధించిన సైనిక విజయాలు, అమరవీరుల త్యాగాల వల్లనే శత్రువు లొంగివచ్చాడని ఘరీబాబాదీ వ్యాఖ్యానించారు. 'ఈ అవగాహన ఒప్పందం కుదిరినంత మాత్రాన మేము శత్రువును (అమెరికాను) నమ్ముతున్నామని అర్థం కాదు.. అమెరికా తన కట్టుబాట్లను ఎలా అమలు చేస్తుందో మేము నిరంతరం నిశితంగా గమనిస్తాం' అని అల్ జజీరా నివేదించిన ప్రకటనలో ఆయన స్పష్టం చేశారు.

ఇరాన్ విధించిన 3 ప్రధాన షరతులు:

తుది చర్చల దశకు వెళ్లడానికి ముందు అమెరికా ఈ బాధ్యతలను నెరవేర్చిందో లేదో ఇరాన్ మొదట వెరిఫై చేసుకుంటుందని ఘరీబాబాదీ తెలిపారు. 1. యుద్ధాన్ని పూర్తిగా ముగించడం. 2. హోర్ముజ్ జలసంధిపై విధించిన నావికా దళాల దిగ్బంధాన్ని ఎత్తివేయడం. 3. ఫ్రీజ్ చేసిన ఇరాన్ ఆర్థిక ఆస్తులను విడుదల చేయడం. ఈ నిబంధనలను అమెరికా అమలు చేస్తేనే తదుపరి 60 రోజుల తుది చర్చల్లో పాల్గొంటామని, లేదంటే వెనక్కి తగ్గుతామని ఇరాన్ హెచ్చరించింది. ఈ ముసాయిదా ఒప్పందంలో ఇరాన్ తన కీలక డిమాండ్లన్నింటినీ పొందుపరిచిందని ఆయన వివరించారు.

ఇవి కూడా చదవండి:

ఫిఫా ప్రపంచ కప్: చరిత్ర సృష్టించిన భారత సంతతి ఆటగాడు

పాక్‌తో హ్యాండ్‌షేక్ వివాదం.. హర్మన్‌ప్రీత్ రియాక్షన్ ఇదే