అంతర్జాతీయ జీవవైవిధ్య దినోత్సవం 2026.. ప్రకృతిని కాపాడటం ప్రతిఒక్కరి బాధ్యత

ఇంటర్నెట్ డెస్క్: ఈ భూమిపై సూక్ష్మజీవులు, జంతువులు, పక్షులు, మొక్కలు వంటి ఎన్నో జీవజాతులు ఉన్నాయి. ఇవన్నీ కలిసి పర్యావరణ సమతుల్యతను కాపాడటంలో కీలక పాత్ర పోషిస్తాయి. అయితే ప్రస్తుతం అటవీ నిర్మూలన, కాలుష్యం, వాతావరణ మార్పులు, సహజ వనరుల అధిక వినియోగం వల్ల అనేక జీవజాతులు అంతరించిపోయే ప్రమాదంలో ఉన్నాయి. అందుకే జీవవైవిధ్యాన్ని కాపాడాల్సిన అవసరంపై అవగాహన కల్పించేందుకు ప్రతి సంవత్సరం మే 22న అంతర్జాతీయ జీవవైవిధ్య దినోత్సవం (International Day for Biological Diversity)ను నిర్వహిస్తారు.

జీవవైవిధ్య దినోత్సవ చరిత్ర

1992లో బ్రెజిల్‌లోని రియో ​​డి జెనీరోలో జరిగిన ఎర్త్ సమ్మిట్‌లో జీవవైవిధ్య దినోత్సవాన్ని నిర్వహించాలనే ఆలోచన వచ్చింది. మొదటిసారి ఈ దినోత్సవాన్ని 1993లో డిసెంబర్ 29న జరిపారు. తరువాత 2000లో ఐక్యరాజ్యసమితి మే 22న ఈ దినోత్సవాన్ని జరపాలని నిర్ణయించింది. అప్పటి నుంచి ప్రతి సంవత్సరం మే 22న ప్రపంచవ్యాప్తంగా ఈ దినోత్సవాన్ని నిర్వహిస్తున్నారు.

ప్రాముఖ్యం

జీవవైవిధ్యం పర్యావరణాన్ని సమతుల్యంగా ఉంచడంలో ఎంతో కీలకంగా ఉంటుంది. వాతావరణ నియంత్రణ, నీటి వనరుల సంరక్షణ, ఆహార భద్రత వంటి అనేక అంశాల్లో ఇది ముఖ్యపాత్ర పోషిస్తుంది. ఈ దినోత్సవం ద్వారా జీవవైవిధ్య పరిరక్షణ అవసరంపై ప్రజల్లో అవగాహన కల్పిస్తారు. పర్యావరణాన్ని కాపాడేందుకు ప్రతి ఒక్కరూ బాధ్యతగా వ్యవహరించాలని సూచిస్తారు. ఈ సందర్భంగా పలు అవగాహన కార్యక్రమాలు, సెమినార్లు, పర్యావరణ ర్యాలీలు నిర్వహిస్తారు. భవిష్యత్ తరాలకు ఆరోగ్యకరమైన ప్రకృతిని అందించాలంటే జీవవైవిధ్యాన్ని కాపాడటం అత్యంత అవసరమని నిపుణులు చెబుతున్నారు.

Also Read:

వడదెబ్బ ఎఫెక్ట్.. తెలంగాణ వ్యాప్తంగా 22 మంది మృతి

తండ్రి మరణాన్ని కూడా రాజకీయాలకు వాడుకోవడం బాధాకరం? జగన్ తీరుపై మంత్రి గొట్టిపాటి ధ్వజం