Winter Hunger Causes: చలికాలం.. ఎక్కువగా ఆకలి వేయడానికి కారణం ఇదే

ఇంటర్నెట్ డెస్క్: శీతాకాలంలో మనకు ఎక్కువ తినాలని అనిపించడం చాలా సాధారణం. ముఖ్యంగా వేయించిన వడలు, బజ్జీలు, స్వీట్లు వంటివి తినాలనిపిస్తుంది. చలికాలంలో ఎక్కువ ఆకలి వేయడానికి ప్రధాన కారణం, శరీరం వెచ్చగా ఉండటానికి ఎక్కువ శక్తి (కేలరీలు) అవసరం కావడం. చలికాలంలో శరీర ఉష్ణోగ్రతను స్థిరంగా ఉంచడానికి, మన మెదడు ఎక్కువ శక్తి కోసం ఆహారాన్ని కోరుతుంది.

శీతాకాలంలో సూర్యరశ్మి తక్కువగా ఉండటం వల్ల శరీరంలో ఆనంద హార్మోన్ ‘సెరొటోనిన్’ తగ్గుతుంది. దీని కారణంగా అలసట, మెలటోనిన్ హార్మోన్ పెరుగుతుంది. ఈ హార్మోన్ల అసమతుల్యత మనకు శక్తిని, ఆనందాన్ని ఇచ్చే ఆహారం (చక్కెర, కార్బోహైడ్రేట్లు) కోసం ఆకలిని పెంచుతుంది.

శీతాకాలంలో రోగనిరోధక శక్తిని పెంచే ఆహారాలు తీసుకోవడం చాలా ముఖ్యం. ఓట్స్, తృణధాన్యాలు, గోధుమ వంటి ఆహారాలు ఎక్కువగా తీసుకోవాలని ఆరోగ్య నిపుణులు సూచిస్తున్నారు. కూరగాయలు, సీజనల్ పండ్లు, తృణధాన్యాలు వంటివి తినడం ఆరోగ్యానికి మంచిదని చెబుతున్నారు. అలాగే.. గోరువెచ్చని నీటిని తరచుగా తాగడం కూడా ముఖ్యం.

శీతాకాలంలో ఎక్కువ ఆకలిగా అనిపించడం సహజం. కానీ, మనం పోషకాహారాలను తీసుకోవడం, తగినంత నీరు తాగడం ద్వారా ఆరోగ్యకరంగా శీతాకాలం గడపవచ్చు. జంక్ ఫుడ్‌కు అలవాటు పడకుండా సరైన ఆహారం తీసుకుంటే, శక్తివంతంగా శీతాకాలాన్ని ఎదుర్కోవచ్చని నిపుణులు చెబుతున్నారు.

(Note: ఇందులోని సమాచారం ఇంటర్నెట్ ఆధారంగా మీకు అందించడం జరుగుతుంది. కేవలం మీ అవగాహన కోసమే.. ABN ఆంధ్రజ్యోతి దీనిని ధృవీకరించలేదు )

Also Read:

న్యూ ఇయర్ పార్టీ.. ఇండియాలో బెస్ట్ బీచ్ డెస్టినేషన్స్ ఏవో తెలుసా?

కొలెస్ట్రాల్ పెరిగినప్పుడు శరీరంలో కనిపించే సంకేతాలు ఇవే.!

For More Latest News