ఉదయాన్నే కడుపు ఉబ్బరంగా అనిపిస్తుందా? ఇలా తగ్గించుకోండి

ఇంటర్నెట్ డెస్క్: ఉదయం నిద్రలేవగానే కడుపు ఉబ్బరంగా అనిపించడం చాలా మందికి సాధారణ సమస్య. రాత్రి ఆలస్యంగా భోజనం చేయడం, మసాలా ఎక్కువగా తినడం, తగినంత నీరు తాగకపోవడం, నిద్రలేమి వంటి కారణాల వల్ల ఇది జరుగుతుంది. అయితే, ఉదయం ఖాళీ కడుపుతో కొన్ని సహజ పదార్థాలను తీసుకోవడం ద్వారా కడుపు ఉబ్బరం తగ్గుతుందని ఆయుర్వేద నిపుణులు చెబుతున్నారు. జీర్ణక్రియ మెరుగుపడుతుందని, శరీరం లోపలి నుంచి శుభ్రం అవుతుందని అంటున్నారు.

నిమ్మకాయ నీరు

నిమ్మకాయలో విటమిన్ C ఎక్కువగా ఉంటుంది. ఇది శరీర రోగనిరోధక శక్తిని పెంచుతుంది, జీర్ణక్రియను మెరుగుపరుస్తుంది. గోరువెచ్చని నీటిలో నిమ్మరసం కలిపి ఉదయాన్నే ఖాళీ కడుపుతో తాగితే గ్యాస్ తక్కువ అవుతుంది, జీర్ణక్రియ వేగంగా జరుగుతుంది, కడుపు తేలికగా అనిపిస్తుంది. నిమ్మకాయ నీటిలో తేనె కలిపితే రుచి ఇంకా బాగా ఉంటుంది. యాంటీబాక్టీరియల్ ఫలితం కూడా ఎక్కువ అవుతుంది.

అల్లం

అల్లం జీర్ణక్రియను మెరుగుపరుస్తుంది. ఉబ్బరం, కడుపు నొప్పిని తగ్గించడంలో అద్భుతంగా పనిచేస్తుంది. అల్లం టీ, పచ్చి అల్లం లేదా అల్లం సప్లిమెంట్ల రూపంలో తీసుకోవడం వల్ల వికారం, అజీర్ణం నుండి ఉపశమనం కలుగుతుంది, ఇది సహజమైన నివారణగా బాగా పనిచేస్తుంది.

సోంపు

కడుపులో గ్యాస్ ఏర్పడకుండా సోంపు నిరోధిస్తుంది. దీనిలోని యాంటీ-ఇన్‌ఫ్లమేటరీ, యాంటీ ఆక్సిడెంట్ గుణాలు పేగులకు ఉపశమనం ఇస్తాయి. కప్పు వేడి నీటిలో కొన్ని సోంపు గింజలు మరిగించి వడకట్టి తాగడం వలన కడుపు తేలికగా అనిపిస్తుంది.

గ్రీన్ టీ

గ్రీన్ టీలో కాటెచిన్స్ అనే యాంటీ ఆక్సిడెంట్లు ఉంటాయి, ఇవి శరీరాన్ని ఫ్రీ రాడికల్స్ నుండి రక్షిస్తాయి. వాపును తగ్గిస్తాయి. జీర్ణక్రియను మెరుగుపరుస్తాయి. కాలేయాన్ని డిటాక్స్ చేస్తాయి. ఉదయం ఖాళీ కడుపుతో గ్రీన్ టీ తాగితే శరీరంలోని విషపదార్థాలు బయటకు వెళ్తాయి, కడుపు తేలికగా అనిపిస్తుంది.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

ఈ వార్తలు కూడా చదవండి..

పాలను ఇలా తాగితే హైబీపీకి చెక్.. సింపుల్ చిట్కా..

గంటల తరబడి కూర్చొని పని చేస్తున్నారా? అయితే ఈ నష్టం తప్పదు

For More Health News