చియా గింజలు ఎప్పుడు తింటే బరువు తగ్గుతారు?

ఇంటర్నెట్ డెస్క్: చియా గింజలు ఆరోగ్యానికి చాలా మంచివి. బరువు తగ్గాలనుకునే వారు వీటిని ఎక్కువగా తీసుకుంటారు. వీటిలో ఫైబర్, ప్రోటీన్, ఒమేగా-3 ఫ్యాటీ యాసిడ్లు ఎక్కువగా ఉంటాయి. ఇవి జీర్ణక్రియను మెరుగుపరచి, బరువు తగ్గడంలో సహాయపడతాయి. అయితే, చియా గింజలు ఎప్పుడు తింటే ఎక్కువ ప్రయోజనం ఉంటుందో తెలుసుకోవడం కూడా ముఖ్యం.

ఉదయం vs సాయంత్రం

ఉదయం చియా గింజలు తీసుకుంటే రోజంతా ఉత్సాహంగా ఉండవచ్చు. ఇవి ఎక్కువసేపు ఆకలి లేకుండా చేస్తాయి. అందువల్ల ఎక్కువగా తినకుండా ఉండగలుగుతారు. జీర్ణక్రియ కూడా బాగుంటుంది. మలబద్ధకం, అజీర్ణం వంటి సమస్యలు తగ్గుతాయి. సాయంత్రం చియా గింజలు తీసుకుంటే రాత్రి ఎక్కువగా తినాలనే కోరిక తగ్గుతుంది. దీంతో కేలరీలు తగ్గి బరువు తగ్గడం సులభమవుతుంది. అలాగే జీర్ణక్రియ మెరుగుపడి, మరుసటి రోజు ఉదయం కడుపు తేలికగా ఉంటుంది.

ఎలా తీసుకోవాలి?

చియా గింజలను నేరుగా తినకూడదు. ముందుగా ఒక గ్లాసు నీటిలో ఒక టీస్పూన్ చియా గింజలను వేసి కనీసం 30 నిమిషాలు నానబెట్టాలి. తర్వాత ఆ నీటిని తాగాలి. వీటిని పెరుగు, పాలు, పండ్ల రసాలలో కూడా కలుపుకుని తీసుకోవచ్చు.

ఎప్పుడు తినడం మంచిది?

• మీరు ఎక్కువగా తినకుండా ఉండాలంటే చియా గింజలను ఉదయం తీసుకోవచ్చు.

• రాత్రి ఆకలి తగ్గించుకోవాలంటే సాయంత్రం తీసుకోవడం మంచిది.

• చియా గింజలు బరువు తగ్గడంలో సహాయపడతాయి. కానీ వాటిని మితంగా, సరైన సమయంలో తీసుకుంటేనే మంచి ఫలితాలు పొందవచ్చు.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

ఈ వార్తలు కూడా చదవండి..

పాలను ఇలా తాగితే హైబీపీకి చెక్.. సింపుల్ చిట్కా..

గంటల తరబడి కూర్చొని పని చేస్తున్నారా? అయితే ఈ నష్టం తప్పదు

For More Health News