JEE అడ్వాన్స్‌డ్ AAT 2026 ఫలితాలు విడుదల..

ఇంటర్నెట్ డెస్క్: ఇండియన్ ఇన్‌స్టిట్యూట్ ఆఫ్ టెక్నాలజీ (ఐఐటీ) రూర్కీ, జేఈఈ అడ్వాన్స్‌డ్ ఆర్కిటెక్చర్ ఆప్టిట్యూడ్ టెస్ట్ (AAT) 2026 ఫలితాలను విడుదల చేసింది. ఈ పరీక్షకు హాజరైన విద్యార్థులు అధికారిక వెబ్‌సైట్ jeeadv.ac.inలో తమ ఫలితాలను చూసుకోవచ్చు.

జేఈఈ అడ్వాన్స్‌డ్ ఫలితాల్లో మార్కులు, ర్యాంకులు ప్రకటిస్తారు. కానీ AAT ఫలితాల్లో మాత్రం మార్కులు, ర్యాంకులు ఉండవు. విద్యార్థి ఆర్కిటెక్చర్ కోర్సుల్లో ప్రవేశానికి అర్హత సాధించారా లేదా అనే విషయాన్ని మాత్రమే తెలియజేస్తారు. AAT పరీక్షలో అర్హత సాధించిన విద్యార్థులు, ఐఐటీల్లో అందించే బ్యాచిలర్ ఆఫ్ ఆర్కిటెక్చర్ (B.Arch) కోర్సుల్లో ప్రవేశం పొందడానికి అర్హత పొందుతారు.

ఫలితాలను ఎలా చెక్ చేయాలి?

• అధికారిక వెబ్‌సైట్ jeeadv.ac.inను సందర్శించాలి.

• జేఈఈ అడ్వాన్స్‌డ్ AAT Result 2026 లింక్‌పై క్లిక్ చేయాలి.

• మీ లాగిన్ వివరాలను నమోదు చేయాలి.

• వివరాలు సమర్పించిన తర్వాత మీరు అర్హత సాధించారా లేదా అనేది స్క్రీన్‌పై కనిపిస్తుంది.

ఆర్కిటెక్చర్ కోర్సులకు అవసరమైన నైపుణ్యాలను అంచనా వేయడమే AAT పరీక్ష ప్రధాన ఉద్దేశం. ఇందులో ఫ్రీహ్యాండ్ డ్రాయింగ్, విజువలైజేషన్ సామర్థ్యం, ఊహాశక్తి, సృజనాత్మకత వంటి అంశాలను పరీక్షిస్తారు. AATలో అర్హత సాధించిన విద్యార్థులు ఇప్పుడు JoSAA కౌన్సెలింగ్ ప్రక్రియలో పాల్గొని, ఐఐటీల్లోని ఆర్కిటెక్చర్ కోర్సుల్లో ప్రవేశం పొందేందుకు అవకాశం ఉంటుంది.

Also Read:

ఎల్‌పీజీ గ్యాస్ ధరల పెంపుపై పెట్రోలియం శాఖ కీలక ప్రకటన

అఫ్గాన్‌తో ఏకైక టెస్టు: తొలి ఇన్నింగ్స్‌ను డిక్లేర్ చేసిన భారత్