భారీగా తగ్గిన బంగారం, వెండి ధరలు

ఆంధ్రజ్యోతి, సెప్టెంబర్ 28: భారత, అంతర్జాతీయ కమోడిటీ మార్కెట్లలో ఇవాళ (సోమవారం) బంగారం, వెండి ధరలు ఊహించని విధంగా భారీగా కుప్పకూలాయి. ఎంసీఎక్స్ (MCX) ట్రేడింగ్‌లో బంగారం 10 గ్రాములకు రూ.3,214 తగ్గగా, వెండి కేజీకి రూ.6,661 క్షీణించింది.

అమెరికా-ఇరాన్ ఉద్రిక్తతల నేపథ్యంలో బ్రెంట్ క్రూడాయిల్ ధర బ్యారెల్‌కు $108 దాటడం వల్ల మార్కెట్‌లో మళ్లీ ద్రవ్యోల్బణ (Inflation) భయాలు మొదలయ్యాయి. మరోవైపు, చమురు ధరల పెరుగుదలతో ద్రవ్యోల్బణాన్ని అదుపు చేయడానికి 'యుఎస్ ఫెడరల్ రిజర్వ్' అక్టోబర్ సమావేశంలో వడ్డీ రేట్లను మరో 25 బేసిస్ పాయింట్లు పెంచవచ్చనే ఊహాగానాలు పెరిగాయి. వడ్డీ రాబడి ఇవ్వని బంగారం, వెండిపై ఇది తీవ్ర ప్రభావం చూపింది.

అమెరికా ట్రెజరీ ఈల్డ్‌లు (Bond Yields) గరిష్ట స్థాయికి

అమెరికా 10 ఏళ్ల బాండ్ ఈల్డ్‌లు, 30 ఏళ్ల బాండ్ ఈల్డ్‌లు భారీగా పెరిగాయి. బాండ్ల ద్వారా ఎక్కువ రాబడి వస్తుండటంతో ఇన్వెస్టర్లు గోల్డ్ నుంచి బాండ్ల వైపు పెట్టుబడులను తరలిస్తున్నారు.

బలపడిన డాలర్ ఇండెక్స్

వడ్డీ రేట్లు పెరుగుతాయన్న అంచనాలతో యూఎస్ డాలర్ ఇండెక్స్ రెండు నెలల గరిష్ఠానికి చేరుకుంది. డాలర్ బలపడితే ఇతర కరెన్సీల రూపంలో బంగారం కొనుగోలు చేయడం ప్రియంగా మారుతుంది, దీనివల్ల డిమాండ్ తగ్గి ధరలు పడిపోతాయి.

సాధారణంగా భౌగోళిక రాజకీయ ఉద్రిక్తతలు ఉన్నప్పుడు సురక్షితమైన పెట్టుబడిగా బంగారానికి డిమాండ్ పెరుగుతుంది. కానీ ఈసారి చమురు ధరల పెంపు వల్ల ఫెడ్ వడ్డీ రేట్లు మళ్లీ పెరిగే అవకాశం ఉండటంతో, బాండ్ ఈల్డ్‌లు, డాలర్ ఇండెక్స్ బలంగా మారి బంగారం, వెండి ధరలను కిందకు లాగుతున్నాయి. ముందస్తుగా ఈ వారం రాబోయే యూఎస్ ఉద్యోగాలు, ద్రవ్యోల్బణ డేటా ఆధారంగా బంగారం తదుపరి దిశ నిర్ధారణ కానుందని విశ్లేషకులు భావిస్తున్నారు.

ఈ వార్తలనూ చదవండి:

ట్రంప్‌తో ఆంత్రోపిక్ సీఈఓ భేటీ.. ఏఐ సేఫ్టీపై చర్చ

పాన్ కార్డులో పేరు తప్పు పడిందా..? మొబైల్‌లోనే మార్చుకోండిలా..