పెరిగిన బంగారం.. తగ్గిన వెండి ధరలు..

ఇంటర్నెట్‌ డెస్క్: ప్రపంచవ్యాప్తంగా నెలకున్న వివిధ పరిణామాల నేపథ్యంలో బంగారం, వెండి ధరలు రోజురోజుకు మారిపోతున్నాయి. వీటి ధరలు ఒక రోజు తగ్గితే.. మరో రోజు పెరుగుతున్నాయి. ఆ ధరల్లో స్థిరత్వం లేకుండా కొనసాగుతున్నాయి. గుడ్ రిటర్న్స్ వెబ్ సైట్ ప్రకారం.. ఈ రోజు (గురువారం, మే 21) ఉదయం హైదరాబాద్ బులియన్ మార్కెట్‌లో 24 క్యారెట్ల 10 గ్రాముల బంగారం ధర రూ.1,58,360గా ఉంది. 22 క్యారెట్ల 10 గ్రాముల బంగారం ధర రూ.1,45,160గా ఉంది. కిలో వెండి ధర రూ. 2,84,900గా ఉంది (Gold, Silver Rates in Hyderabad on May 21).

బుధవారం (నిన్న) వీటి ధరలు.. హైదరాబాద్‌లో 24 క్యారెట్ల 10 గ్రాముల బంగారం ధర రూ.1,57,050గా ఉంది. 22 క్యారెట్ల 10 గ్రాముల బంగారం ధర రూ.1,43,960గా ఉంది. కిలో వెండి ధర రూ.2,99,900గా ఉంది. దీంతో నిన్నటితో బంగారం ధరలతో పోలిస్తే.. ఈ రోజు పెరిగాయనే చెప్పాలి. అలాగే వెండి ధర మాత్రం తగ్గినట్లు స్పష్టమవుతుంది.