Hyderabad weather: రాష్ట్రంలో నేడు, రేపు వర్షాలు
ABN , Publish Date - May 12 , 2025 | 05:32 AM
రాష్ట్రంలోని కొన్ని జిల్లాల్లో సోమ, మంగళవారాల్లో తేలికపాటి నుంచి మోస్తరు వర్షాలు కురిసే అవకాశం ఉందని హైదరాబాద్ వాతావరణ కేంద్రం తెలిపింది.
రేపు దక్షిణ అండమాన్కు నైరుతి రుతు పవనాలు
హైదరాబాద్, మే 11(ఆంధ్రజ్యోతి): రాష్ట్రంలోని కొన్ని జిల్లాల్లో సోమ, మంగళవారాల్లో తేలికపాటి నుంచి మోస్తరు వర్షాలు కురిసే అవకాశం ఉందని హైదరాబాద్ వాతావరణ కేంద్రం తెలిపింది. మంగళవారం కొన్ని జిల్లాల్లో అక్కడక్కడా భారీ వర్షాలు పడే అవకాశం ఉందని పేర్కొంది. ఆదివారం వరంగల్ జిల్లా వర్థన్నపేటలో అత్యధికంగా 6, పెద్దపల్లిలో 2.8 సెంటీమీటర్ల వర్షపాతం నమోదైనట్లు వెల్లడించింది.
నిజామాబాద్ జిల్లా మెండోరాలో అత్యధికంగా 41.9 డిగ్రీల గరిష్ట ఉష్ణోగ్రతలు నమోదుకాగా, వికారాబాద్లో అత్యల్పంగా 39 డిగ్రీల కనిష్ట ఉష్ణోగ్రతలు నమోదైనట్లు తెలిపింది. కాగా, నైరుతి రుతుపవనాలు ఈనెల 13వ తేదీన దక్షిణ అండమాన్ సముద్రం, నికోబార్ దీవులు, ఆగ్నేయ బంగాళాఖాతంలో ప్రవేశిస్తాయని వాతావరణ శాఖ ప్రకటించింది. ఆ తర్వాత 4-5 రోజుల్లో దక్షిణ అరేబియా సముద్రం, కొమరిన్ ప్రాంతం, దక్షిణ, మధ్య బంగాళాఖాతం, అండమాన్లో అన్ని ప్రాంతాలకు విస్తరించనున్నాయని తెలిపింది.
ఇవి కూడా చదవండి
Drunk Driving Incident: మద్యం తాగుతూ ఫుల్ స్పీడ్తో రైడ్.. వీడియో వైరల్
Donald Trump: విదేశాల్లో నిర్మించిన చిత్రాలపై 100% సుంకం..ఆ జైలు తిరిగి ప్రారంభిస్తాం
Read Latest Telangana News And Telugu News
