Hyderabad: కొద్దిగా సమయమిస్తే.. మేమే ఖాళీ చేస్తాం సారూ..

- బాధితుల వేడుకోలు.. కనికరించని అధికార యంత్రాంగం

- జవహర్‌నగర్‌లో అక్రమ నిర్మాణాల కూల్చివేత

హైదరాబాద్: ‘పొట్టకూటి కోసం ఇక్కడకు వచ్చాం. చిన్న గుడిసెలో తలదాచు కుంటున్నాం. కొద్దిగా సమయం ఇస్తే మేమే ఖాళీ చేసేస్తాం సారూ..’ అని వేడుకొన్నప్పటికీ అధికారులు కనికరించలేదు. జవహర్‌నగర్‌ కార్పొరేషన్‌(Jawaharnagar Corporation)లోని దేవేందర్‌నగర్‌లో అక్రమంగా నిర్మించుకున్న ఇళ్లను పోలీసుల బందోబస్తు మధ్యన రెవెన్యూ, మున్సిపల్‌ అధికారులు మంగళవారం కూల్చివేశారు. అడ్డుపడ్డ బాధితులను పోలీసులు పక్కకు నెట్టి ఎక్స్‌కవేటర్‌తో కూల్చివేతలను కొనసాగించారు. ప్రభుత్వ భూముల్లో ఎలాంటి కట్టడాలు ఉన్నా సహించేది లేదని, ప్రభుత్వ ఆదేశాల మేరకే తాము ముందుకు వెళుతున్నామని కాప్రా డిప్యూటీ తహసీల్దార్‌ సత్యనారాయణరావు తెలిపారు.

ఈ వార్తను కూడా చదవండి: JNTU: జేఎన్‌టీయూలో భారీగా బదిలీలు..

టైం ఇస్తే మేమే వెళ్తాం..

‘పొట్ట కూటికోసం ఇక్కడికి వచ్చి చిన్న గుడిసెలు వేసుకొని కూలీ పనులు చేసుకుంటూ జీవిస్తున్నాం.. మాకు చిన్న పిల్లలు ఉన్నారు.. రెండురోజులు సమయం ఇవ్వండి.. మేమే వెళ్లిపోతాం..’ అంటూ కూలీలు అధికారులను వేడుకున్నా కనికరించలేదు. డబ్బున్న పెద్దల ఇళ్లకు రోజుల తరబడి సమయం ఇస్తారు. మాకు కొద్ది సమయం కూడా ఇవ్వలేరా అంటూ అధికారులతో వాగ్వాదానికి దిగారు. అయినా వారు పట్టించుకోలేదు. వారి ఇంటి సామగ్రిని బయటపెట్టి, పోలీసు బందోబస్తు మధ్య మున్సిపల్‌, రెవెన్యూ అధికారులు ఎక్స్‌కవేటర్‌తో ఇళ్లను కూల్చివేశారు. కార్యక్రమంలో జవహర్‌నగర్‌ సీఐ సైదయ్య, ఆర్‌ఐ వీరేంద్రసాయి, రమేష్‌, టౌన్‌ప్లానింగ్‌ ఆఫీసర్‌ స్రవంతి, రెవెన్యూ, పోలీసు, మున్సిపల్‌ సిబ్బంది పాల్గొన్నారు.

ఈవార్తను కూడా చదవండి: Congress: మంత్రివర్గ విస్తరణపై కదలిక

ఈవార్తను కూడా చదవండి: ఖమ్మం జిల్లాలో చిరుతపులి సంచారం కలకలం..

ఈవార్తను కూడా చదవండి: ఆ రోజు నుంచే ప్రభుత్వ పథకాల జాతర: భట్టి

ఈవార్తను కూడా చదవండి: చిలుకూరు బాలాజీ ఆలయ పూజారిపై దాడి.. సంచలనం రేపుతున్న ఘటన..

Read Latest Telangana News and National News