Fire Accident: అగ్నిప్రమాదం.. ఏడుగురికి తీవ్ర గాయాలు

హైదరాబాద్, ఆగస్టు 27: జగద్గిరిగుట్టలోని ఆస్బెస్టాస్ కాలనీలో బుధవారం తెల్లవారుజామున అగ్నిప్రమాదం చోటు చేసుకుంది. కాలనీలోని ఒక ఇంట్లో గ్యాస్ సిలిండర్ పేలింది. ఈ పేలుడు దాటికి ఇల్లు కుప్పకూలింది. ఈ ఘటనలో ఆ ఇంట్లో నివసిస్తున్న ఏడుగురు వ్యక్తులు తీవ్రంగా గాయపడ్డారు. స్థానికులు వెంటనే స్పందించి.. పోలీసులు, అగ్నిమాపక సిబ్బందికి సమాచారం అందించారు.

దీంతో వారు ఘటన స్థలానికి చేరుకుని.. మంటలను అదుపులోకి తీసుకు వచ్చారు. క్షతగాత్రులను ఉస్మానియా ఆసుపత్రికి తరలించారు. వారిలో పలువురి పరిస్థితి విషమంగా ఉందని వైద్యులు వెల్లడించారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. ఇక ఈ ఘటనలో గాయపడిన వారంతా ఒడిశా రాష్ట్రానికి చెందిన వారని పోలీసులు వివరించారు. సహాయక చర్యలు కొనసాగుతున్నాయని చెప్పారు.

ఈ వార్తలు కూడా చదవండి..

అసోం సీఎం మళ్లీ సంచలన నిర్ణయం

భారీగా రైళ్లు రద్దు.. అధికారులు ఆకస్మిక నిర్ణయం

For TG News And Telugu News