HMDA: 100 మీటర్ల వెడల్పుతో ఆర్ఆర్ఆర్
ABN , Publish Date - Aug 31 , 2025 | 05:05 AM
హైదరాబాద్ మెట్రోపాలిటన్ రీజియన్ (హెచ్ఎంఆర్) పరిధిలో.. వంద మీటర్ల వెడల్పుతో రీజినల్ రింగ్ రోడ్డు(ఆర్ఆర్ఆర్) అలైన్మెంట్ను ఖరారు చేస్తూ హెచ్ఎండీఏ ప్రాథమిక నోటిఫికేషన్ ఇచ్చింది
8 జిల్లాలు.. 33 మండలాలు.. 163 గ్రామ పంచాయితీల పరిధిలో ఖరారు
పలు సర్వే నంబర్లతో.. అలైన్మెంట్కు హెచ్ఎండీఏ నోటిఫికేషన్
వచ్చే నెల 15 వరకు అభ్యంతరాల స్వీకరణ
హైదరాబాద్ సిటీ, ఆగస్టు 30 (ఆంధ్రజ్యోతి): హైదరాబాద్ మెట్రోపాలిటన్ రీజియన్ (హెచ్ఎంఆర్) పరిధిలో.. వంద మీటర్ల వెడల్పుతో రీజినల్ రింగ్ రోడ్డు(ఆర్ఆర్ఆర్) అలైన్మెంట్ను ఖరారు చేస్తూ హెచ్ఎండీఏ ప్రాథమిక నోటిఫికేషన్ ఇచ్చింది. ఇందులో డిజిటల్ మ్యాప్తోసహా.. ఔటర్ రింగ్ రోడ్డు ఆవల.. ఎనిమిది జిల్లాలు, 33 మండలాలు, 163 రెవెన్యూ గ్రామ పంచాయతీలలోని ఏయే సర్వే నంబర్ల వెంట ఆర్ఆర్ఆర్ వెళ్తుందనే వివరాలను ప్రకటించింది. దీనిపై ప్రజల నుంచి అభ్యంతరాలు, సూచనలను స్వీకరిస్తామని తెలిపింది. వ్యక్తులు కానీ, సంస్థలు తమ అభ్యంతరాలను వచ్చే నెల 15లోగా రాతపూర్వకంగా హెచ్ఎండీఏ కమిషనర్ పేరుతో అందజేయాలని సూచించింది. ఆ తర్వాత తుది నోటిఫికేషన్ను విడుదల చేయనుంది. ప్రాథమిక నోటిఫికేషన్, డిజిటల్ మ్యాప్, ఇతర వివరాలను శనివారం హెచ్ఎండీఏ వెబ్సైట్లో అప్లోడ్ చేసింది. దీని ప్రకారం.. రంగారెడ్డి, మహబూబ్నగర్, వికారాబాద్, నల్లగొండ, సంగారెడ్డి, సిద్దిపేట, మెదక్, యాదాద్రి-భువనగిరి జిల్లాల మీదుగా ఆర్ఆర్ఆర్ వెళ్తుంది.8 జిల్లాలు.. 33 మండలాలు.. 163 గ్రామ పంచాయతీల పరిధిలో ఖరారు
ఆర్ఆర్ఆర్ అలైన్మెంట్ ఖరారైన గ్రామాలివే..
1. రంగారెడ్డి జిల్లా
అమన్గల్ మండలంలోని అమన్గల్, చెన్నంపల్లె, పోలెంపల్లె, సింగంపల్లె
ఫరూఖ్నగర్ మండలంలోని బీమారం, చించోడు
కేశంపేట మండలంలోని నిర్ధవల్లీ, తొమ్మిడికుల
కొందుర్గు మండలంలోని అగిర్యాల, చెరుకుపల్లె, కొందుర్గు(ఈస్ట్), కొందుర్గు(వెస్ట్), తంగెళ్లపల్లె, వనంపల్లె
మాడ్గూల్ మండలంలోని అన్నబోయినిపల్లి, బ్రహ్మణపల్లె, ఇర్వీన్, కలకొండ, మాడ్గుల్
తలకొండపల్లె మండలంలోని చంద్రదన, గర్విపల్లె, జులపల్లె, ఖానాపూర్, మెదకపల్లె, రాంపూర్, వెంకట్రావుపేట్
2. వికారాబాద్ జిల్లా
మోమిన్పేట మండలంలో దేవరంపల్లి, టేకులపల్లి
నవాబ్పేట మండలంలో చించల్పేట, చిట్టిగిద్ద, దాతాపూర్, వట్టిమీనపల్లి, యావాపూర్
పూడూరు మండలంలో గొంగుపల్లి, గట్పల్లి, కెరవెల్లి, మంచన్పల్లి, మన్నెగూడ, పెద్ద ఉమ్మెంతాల్, పూడూరు, రాకంచర్ల, సిరిగాయపల్లి, తుర్క ఎన్కేపల్లి, ఎన్కేపల్లి
వికారాబాద్ మండలంలో బురాన్పల్లి, పాతూరు, పీరంపల్లి, పులుసుమామిడి
3. నల్లగొండ జిల్లా
చండూర్ మండలంలోని గట్టుప్పల్, తేరట్పల్లి
చింతపల్లి మండలంలోని కుర్మైదు, కురంపల్లి, మల్లెపల్లె, వింజమూర్
మర్రిగూడ మండలంలోని భట్లపల్లె, దమెరభీమనపల్లె, మర్రిగూడ, మెటిచందాపూర్, నమ్మపూర్, సారంపేట్, వట్టిపల్లె
మునుగోడు మండలంలోని వెల్మకన్నె
4. సంగారెడ్డి జిల్లా
హత్నూర మండలంలోని దౌల్తాబాద్, దేవులపల్లి, కాసాల, సికంద్లాపూర్
కొండాపూర్ మండలంలోని అలియాబాద్, గంగారం, గిర్మాపూర్, మారేపల్లి, తొగర్పల్లి
సదాశివపేట మండలంలోని పెద్దపూర్
సంగారెడ్డి మండలంలోని చింతల్పల్లి, ఇరిగిపల్లె, కలబ్గుర్, నాగపూర్, సంగారెడ్డి, తాళ్లపల్లి
5. సిద్దిపేట జిల్లా
గజ్వేల్ మండలంలోని బంగ్లా వెంకటాపూర్, మక్తామాసాన్పల్లి, ముట్రాజ్పల్లి, ప్రజ్ఞాపూర్, సంగాపూర్
జగదేవ్పూర్ మండలంలోని
అలిరాజ్పేట్, ఇటిక్యాల్, పీర్లపల్లి
మార్కుక్ మండలంలోని అంగడి కిష్టాపూర్, చేబర్తి, ఎర్రవల్లి, పాములపర్తి
రాయిపోల్ మండలంలోని బేగంపేట్, ఎల్కల్
వర్గల్ మండలంలోని జబ్బాపూర్, నెంటూర్, మక్తా మైలారం
6. మెదక్ జిల్లా
నర్సాపూర్ మండలంలోని చిన్నచింతకుంట, ఖాజీపేట్, మూసాపేట్, జానకంపేట్, నాగుల్పల్లి, పెద్దచింతకుంట, రెడ్డిపల్లి, తిర్మలాపూర్, తుల్జాపూర్
శివంపేట్ మండలంలోని గుండ్లపల్లె, కొంతాన్పల్లె, కొత్తపేట్, లింగోజిగూడ, పాంబండ, పోతుల బొగూడ, రత్నాపూర్, ఉసిరికపల్లె
తూప్రాన్ మండలంలోని దటర్పల్లె, గుండరెడ్డిపల్లె, ఇస్లాపూర్, కిష్టాపూర్, నాగులపల్లె, నర్సంపల్లె, వట్టూర్, వెంకటాయిపల్లె
7. యాదాద్రి-భువనగిరి జిల్లా
చౌటుప్పల్ మండలంలోని తంగడ్పల్లి, చిన్నకొండూర్, నేలపట్ల, తాళ్లసింగారం
నారాయణపూర్ మండలంలోని చీమిర్యాల, గుడ్డిమల్కాపూర్, కంకణగూడెం, కోతులాపురం, పుట్టపాక, సర్వేల్
భువనగిరి మండలంలోని గౌస్నగర్, కేసారం, పెంచికల్పహడ్, రాయిగిరి, తుక్కాపురం, యెర్రంబల్లె
తుర్కపల్లి మండలంలోని వెల్పుపల్లె, దత్తయిపల్లి, ఇబ్రహీంపురం, కొనపురం, వీరరెడ్డిపల్లి
వలిగొండ మండలంలోని పహిల్వాన్పూర్, పొద్దుటూర్, రెడ్లరేపాక, వర్కట్పల్లి
యాదగిరిగుట్ట మండలంలోని మల్లాపూర్, దత్తార్పల్లి
8. మహబూబ్నగర్ జిల్లా
బాలానగర్ మండలంలోని అప్పాజిపల్లె, బోడజానంపేట, చిన్నరెవల్లి, గౌతపుర్, గుండెడ్, మాచారం, పెద్దరివల్లె, పెద్దయపల్లె, సూరారం, ఉడిత్వాల్, వనమవాణిగూడ
ఇవి కూడా చదవండి:
కాళేశ్వరం పీపీటీ ప్రజెంటేషన్పై మాటల యుద్ధం..
15 రోజుల పాటు అసెంబ్లీ సమావేశాలు నిర్వహించాలి.. కేటీఆర్ డిమాండ్
మరిన్ని తెలంగాణ వార్తలు కోసం క్లిక్ చేయండి..
