GHMC: జీహెచ్ఎంసీలో డిజైనింగ్ సెల్..
ABN , Publish Date - Sep 03 , 2025 | 08:25 AM
హెచ్-సిటీలో భాగంగా భారీ స్థాయిలో వంతెనలు, అండర్పాస్లు నిర్మించనున్న నేపథ్యంలో జీహెచ్ఎంసీలో నూతన విభాగాన్ని ఏర్పాటు చేశారు. ప్రాజెక్టుల డిజైన్ల రూపకల్పనకు అంతర్గత డిజైనింగ్ సెల్ (ఇన్-హౌస్ డిజైనింగ్ సెల్)ను ఏర్పాటు చేస్తూ కమిషనర్ ఆర్వీ కర్ణన్ మంగళవారం ఉత్తర్వులు జారీ చేశారు.
- ప్రాజెక్టు డిజైన్ల రూపకల్పనకు ప్రత్యేక విభాగం ఏర్పాటు
హైదరాబాద్ సిటీ: హెచ్-సిటీలో భాగంగా భారీ స్థాయిలో వంతెనలు, అండర్పాస్లు నిర్మించనున్న నేపథ్యంలో జీహెచ్ఎంసీ(GHMC)లో నూతన విభాగాన్ని ఏర్పాటు చేశారు. ప్రాజెక్టుల డిజైన్ల రూపకల్పనకు అంతర్గత డిజైనింగ్ సెల్ (ఇన్-హౌస్ డిజైనింగ్ సెల్)ను ఏర్పాటు చేస్తూ కమిషనర్ ఆర్వీ కర్ణన్ మంగళవారం ఉత్తర్వులు జారీ చేశారు. ఇంజనీరింగ్ అధికారులతో నిర్వహించిన సమీక్షా సమావేశంలో డిజైన్ల రూపకల్పనకు ప్రైవేట్ కన్సల్టెంట్లపై ఆధారపడడాన్ని ఆయన తప్పుబట్టారు. ప్రత్యేక విభాగం ఏర్పాటు చేయాలని అధికారికంగా ఆదేశాలిచ్చారు.
సూపరింటెండెంట్ ఇంజనీర్ నేతృత్వంలో సీనియర్ ఇంజనీర్లతోపాటు ఖరగ్పూర్, గౌహతి, మద్రాస్ ఐఐటీ(Kharagpur, Guwahati, Madras IIT)ల్లో, వరంగల్, రూర్కెల ఎన్ఐటీల వంటి ప్రతిష్ఠాత్మక సంస్థల్లో చదివిన జీహెచ్ఎంసీలోని ఇంజనీర్లకు నూతన సెల్లో చోటు కల్పించారు. ఎంపిక చేసిన పది మంది ఇంజనీర్లను రిలీవ్ చేయాలని ఎస్ఈ అడ్మిన్ను కమిషనర్ ఆదేశించారు. ప్రాజెక్టుల విభాగం చీఫ్ ఇంజనీర్ పర్యవేక్షణలో ఈ సెల్ పని చేయనుంది. దీంతో సంస్థకు భారీగా ఖర్చు తగ్గనుంది.
ఈ వార్తలు కూడా చదవండి..
బంగారం ధరలు మరింత పైకి.. ఈ రోజు బంగారం, వెండి ధరలు ఎలా ఉన్నాయంటే..
జూబ్లీహిల్స్లో 3,92,669 మంది ఓటర్లు
Read Latest Telangana News and National News
