Hyderabad: ధూలియా గేదె @ 4.50 లక్షలు

- నార్సింగ్‌ పశువుల జాతరలో రికార్డుస్థాయి ధర

- రూ. 2లక్షలు ధర పలికిన జాఫ్రావాది

హైదరాబాద్: నార్సింగ్‌ వ్యవసాయ మార్కెట్‌(Narsingh Agricultural Market)లో పశుసంక్రాంతి పశువుల సంత జోరుగా సాగింది. చరిత్రలో ఎన్నడూ లేనివిధంగా ఈసారి రికార్డుస్థాయి ధరలో ధూలియా(Dhulia) జాతి గేదెను రూ.4.50 లక్షలకు విక్రయించారు. నార్సింగ్‌కు చెందిన రైతు ముఖ్తార్‌ దీనిని నల్లగండ్లకు చెందిన వెంకటరెడ్డికి అమ్మారు. నార్సింగ్‌ మార్కెట్‌ చరిత్రలో ఇదే రికార్డుస్థాయి విక్రయంగా ప్రభుత్వ ఖాతాలో రిజిస్టర్‌ చేశారు.

ఈ వార్తను కూడా చదవండి: కాషాయం గూటికి కరీంనగర్‌ మేయర్‌

ఈసారి పలు రాష్ట్రాల నుంచి అత్యధికంగా గేదెలు వచ్చినప్పటికీ విక్రయాలు మందకొడిగా సాగాయి. అయినప్పటికీ ధరలు ఏ మాత్రం తగ్గలేదు. మరో నాలుగు ధూలియా గేదెలను రికార్డుస్థాయిలో ఒక్కొక్కటి రూ.2.50లక్షల చొప్పున విక్రయించారు. ఎనిమిది జాఫ్రావాది గుజరాతి గేదెలు ఒక్కొక్కటి రెండు లక్షల చొప్పున అమ్ముడుపోయాయి. అయితే గత ఏడాది ఈ జాతి గేదెలను రూ.2.51లక్షల చొప్పున విక్రయించారు.

గత ఏడాది మాదిరే ఈసారి వీటిని నార్సింగ్‌కు చెందిన రైతు కొత్తకాపు రవీందర్‌రెడ్డి, సతీష్‏రెడ్డి(Kothakapu Ravinder Reddy, Satish Reddy) సోదరుల వద్ద వట్టినాగులపల్లికు చెందిన ప్రదీప్ కొనుగోలు చేశాడు. ఈ గేదె రోజూ 25 లీటర్ల పాలు ఇస్తుంది. వీటితోపాటు పది హరియాణాకు చెందిన ముర్రా జాతి గేదెలు, పది గుజరాత్‌కు చెందిన గుజ్రాన్‌వాలా జాతి గేదెలను రూ.2లక్షల చొప్పున విక్రయించారు. ధూలియా, గుజ్జర్‌, సోలాపూర్‌, ముర్రా గేదెలకు డిమాండ్‌ కనిపించింది. ఇక పుంగనూర్‌ ఆవు, గుజరాత్‌కు చెందిన ఆవులు రూ.70వేల నుంచి రూ.లక్షన్నర వరకు అమ్ముడుపోయాయి.

ఈవార్తను కూడా చదవండి: మా కుమార్తెలా ఏ అమ్మాయీ మోసపోవొద్దు

ఈవార్తను కూడా చదవండి: మేడిగడ్డలో లోపాలను 2019లోనే గుర్తించాం

ఈవార్తను కూడా చదవండి: ఎవుసంపై కేసీఆర్‌ నజర్‌

ఈవార్తను కూడా చదవండి: Uttam: హరీశ్‌వి దగుల్బాజీ మాటలు

Read Latest Telangana News and National News