Lifestyle: రోజూ ఉదయం 10 గంటల లోపు ఇవన్నీ చేస్తే లైఫ్‌లో ఊహించని మార్పులు!

ఇంటర్నెట్ డెస్క్: ఉదయాన్నే టైమ్ ప్రకారం లేవలేక ఇబ్బంది పడుతున్నారా? బద్ధకం వదిలిపెట్టట్లేదా? ఈ సమస్యకు పరిష్కారం కావాలా? ఇలా జీవితంలో మేలి మార్పులు కోసం ఆశించే వారు ఉదయం 10 లోపే కొన్ని పనులు పూర్తి చేస్తే లైఫ్‌లో ఊహించని మార్పులు వస్తాయని లైఫ్ కోచ్‌లు చెబుతున్నారు.

తెల్లవారుజామునే లేస్తే ప్రశాంతమైన వాతావరణంలో ఆ రోజు ప్రణాళికలను ఓసారి సమీక్షించుకోవచ్చు. అవసరమైన మార్పులు చేసుకోవచ్చు. దీంతో, రోజంతా ఉత్సాహంగా పనులు చేసుకుంటూ వెళతారు.

పరిశుభ్రతపై కూడా దృష్టి పెట్టాలి. ప్రతి రోజూ స్నానం చేయడం, వ్యక్తిగత పరిశుభ్రత పాటించడం వంటివి కాన్ఫిడెన్స్ లెవెల్స్ పెంచుతాయి (Viral).

ఈ ఏడాది కచ్చితంగా విజయం సాధించాలనుకుంటే ఇలా చేయండి!

నిద్రలేవగానే స్మార్ట్ ఫోన్ చూడాలన్న భావనను అదుపు చేసుకోవాలి. లేచాక కనీసం గంట వరకూ ఫోన్ జోలికి వెళ్లొద్దు. ఈ సమయంలో ఇతర పనులు చేయడం లేదా ప్రణాళికలు రూపొందించుకోవాలి

ఆ రోజు చేయాల్సిన మూడు ముఖ్యమైన పనుల గురించి రాసుకుని అందుకు అనుగూణంగా ప్రణాళికను అమలు చేస్తే లైఫ్‌లో ముందంజ వేస్తారు.

ఇక ఆ రోజు అత్యంత సవాలుగా మారే అవకాశం ఉన్న పనిపై ఉదయాన్నే దృష్టి పెడితే మంచి ప్రయోజనాలు ఉంటాయని కూడా నిపుణులు చెబుతున్నారు. తద్వారా, పనులు వాయిదాలు వేసే చెడు అలవాటు నుంచి సులువుగా బయటపడతారని చెబుతున్నారు.

ఉదయాన్నే ఓ గ్లాసు నీరు తాగడం కూడా మంచి అలవాటని నిపుణులు చెబుతున్నారు. ఫలితంగా రాత్రంతా ఏర్పడ్డ డీహైడ్రేషన్‌ నుంచి తక్షణం విముక్తి లభిస్తుంది. ఆ తరువాత పౌష్ఠికాహారాన్ని బ్రేక్‌ఫాస్ట్‌గా తీసుకోవాలి.

Professor student wedding: షాకింగ్.. ఈ మహిళా ప్రొఫెసర్ తన స్టూడెంట్‌ను పెళ్లాడారా?

ఇక పనులపై ఫోకస్ పెంచేందుకు ఉదయం పూట కసరత్తులకు మించినది లేదు. దీంతో మెదడుకు రక్త ప్రసరణ మెరుగై రోజంతా మూడ్ బాగుంటుంది.

ఇక మదిలో వచ్చే ఆలోచనలు, ఎంచుకున్న లక్ష్యాలు, సాధించిన పురోగతిని ఓ పుస్తకంలో రాసుకోవడం కూడా మంచిదని నిపుణులు చెబుతున్నారు. దీంతో, వదలని ఆలోచనల నుంచి సాంత్వన దొరకుతుందని చెబుతున్నారు.

ఇక ఉదయం లేచాక ఇంటిని శుభ్ర పరుచుకోవడం, స్ఫూర్తివంతమైన పుస్తకాలు చదవడం కూడా రోజంతా ఉత్సాహంగా ఉండేలా చేస్తుందని అనుభవజ్ఞులు చెబుతున్నారు.

Read Latest and Viral News