Jammu Kashmir: గతంలో జరిగిన టాప్ 5 ఉగ్రదాడుల గురించి తెలుసా..
ABN , Publish Date - Apr 23 , 2025 | 01:54 PM
జమ్మూ కశ్మీర్ లోయ సహజ సౌందర్యానికి నిలయంగా పేరొందిన ఈ ప్రాంతం. కానీ ఇప్పుడు పహల్గామ్లో హింసాత్మక ఘటనతో ప్రపంచవ్యాప్తంగా చర్చనీయాంశంగా మారింది. అయితే ఇలాంటి ఘటనలు గతంలో ఎప్పుడు, ఎక్కడ జరిగాయనే విషయాలను ఇక్కడ తెలుసుకుందాం.
జమ్మూ కశ్మీర్(Jammu Kashmir) లోయలో పర్యాటకులపై ఉగ్రవాద దాడులు చాలా అరుదని చెప్పవచ్చు. అందుకే మంగళవారం పహల్గామ్లో సందర్శకుల బృందంపై జరిగిన దాడి, దాని పరిమాణం ఎక్కువగా ఉంది. ఇటీవలి సంవత్సరాలలో జమ్మూ కశ్మీర్లో మొత్తం భద్రతా పరిస్థితి మెరుగుపడటంతో పర్యాటకం గణనీయంగా పెరిగింది. అయితే ఇదే సమయంలో ఈ దాడికి ప్లాన్ జరిగినట్లు తెలుస్తోంది. దీంతోపాటు ఉగ్రవాద దాడిలో మహిళలు, చిన్నారులు కాకుండా పురుషులనే టార్గెట్ చేసి దాడి చేయడం కూడా పలు చర్చలకు తావిస్తోంది. అయితే గతంలో ఈ ప్రాంతం పరిధిలో జరిగిన ఉగ్రవాద దాడుల గురించి ఇప్పుడు తెలుసుకుందాం.
జమ్మూ కశ్మీర్లో గతంలో జరిగిన 5 ప్రధాన ఉగ్రదాడులు
2016 ఉరి దాడి (Uri Attack) – 2016 సెప్టెంబర్ 18న, ఉరి పట్టణంలోని భారత సైనిక స్థావరంపై జైష్-ఎ-ముహమ్మద్ ఉగ్రవాదులు దాడి చేశారు. ఈ దాడిలో 19 భారత సైనికులు మరణించారు, ఇది కశ్మీర్లో సెక్యూరిటీ బలాలకు జరిగిన అత్యంత ప్రాణనష్టం కలిగిన దాడిగా పరిగణించబడింది.
2017 అమర్నాథ్ యాత్ర దాడి (Amarnath Yatra Attack) – 2017 జూలై 10న, అమర్నాథ్ యాత్రకు వెళుతున్న భక్తుల బస్సుపై ఉగ్రవాదులు దాడి చేశారు. ఈ దాడిలో 8 మంది మరణించారు, 18 మంది గాయపడ్డారు .
2019 పుల్వామా దాడి (Pulwama Attack) – 2019 ఫిబ్రవరి 14న, పుల్వామా జిల్లాలో CRPF కాన్వాయ్పై సూయిసైడల్ బాంబర్ దాడి చేశారు. ఈ దాడిలో 40 CRPF సిబ్బంది మరణించారు.
2000 చిట్టి సింగ్ పురా హత్యలు (Chittisinghpura Massacre) – 2000 మార్చి 20న, చిట్టి సింగ్పురా గ్రామంలో 35 సిక్కులు ఉగ్రవాదుల చేత మరణించారు.
2023లో రియాసి జిల్లా (Reasi district Attack)లో 10 మంది మరణం. జమ్మూ కశ్మీర్లోని రియాసి జిల్లాలో, శివఖోరీ నుంచి కత్రాకు వెళ్ళే బస్సుపై ఉగ్రవాదులు కాల్పులు జరిపారు. ఈ కారణంగా బస్సు నియంత్రణ కోల్పోయి లోయలో పడిపోయింది. ఈ ఘటనలో 10 మంది మరణించారు, 33 మంది గాయపడ్డారు.
ఇవి కూడా చదవండి:
SRH vs MI 2025: టపాసుల పేలుళ్లు, చీర్ లీడర్స్ లేకుండానే..ఈరోజు ఐపీఎల్ మ్యాచ్
Pahalgam Attack Victims: పహల్గామ్ ఉగ్రదాడి బాధిత కుటుంబాలకు ఆర్థిక సహాయం ప్రకటన..
Pahalgam Attack: పహల్గామ్ ఉగ్రవాద దాడి.. భారత్కు మద్దతుగా ప్రపంచ నేతల సంఘీభావం
Pahalgam Terror Attack: హృదయాన్ని కదిలించే విషాదం..పహల్గామ్ ఉగ్రదాడిలో అర్ధాంతరంగా ఆగిన జీవితం
PM Modi: విమానాశ్రయంలో దిగిన వెంటనే.. అజిత్ దోవల్, జైశంకర్తో మోడీ అత్యవసర భేటీ
TRAI: సిగ్నల్, నెట్ లేకపోతే సైలెంట్ కాదు..ఫిర్యాదు చేయడం మరింత ఈజీ తెలుసా..
Read More Business News and Latest Telugu News
