Minister: ఆ శాఖ ఉద్యోగులకు మంత్రి సీరియస్ వార్నింగ్.. విషయం ఏంటంటే..

- ఆందోళనలో పాల్గొనే అంగన్‏వాడీలపై చర్యలు

- మంత్రి గీతా జీవన్‌

చెన్నై: విధులను బహిష్కరించి ఆందోళనలో పాల్గొనే అంగన్‏వాడీ ఉద్యోగులపై చట్టపరమైన చర్యలుంటాయని మంత్రి గీతా జీవన్‌(Minister Geeta Jeevan) హెచ్చరించారు. తమిళనాడు అంగన్వాడీ ఉద్యోగులు, సహాయకుల సంఘం ఆధ్వర్యంలో మే నెలంతా వేసవి సెలవులు కావాలనే డిమాండ్‌తో రాష్ట్రవ్యాప్తంగా శుక్రవారం ఉదయం నుంచి ఆందోళన కార్యక్రమాల్లో పాల్గొంటున్నారు. ఇందువల్ల అంగన్వాడీ కేంద్రాలు మూతపడటంతో చిన్నారులకు మధ్యాహ్న భోజనం, గుడ్డు, ఇతర పోషకాహారాలు పంపిణీ చేయలేదు..

ఈ వార్తను కూడా చదవండి: Hero Ajith: పొలిటికల్ ఎంట్రీపై హీరో అజిత్‌ ఆసక్తికర కామెంట్స్..

అంగన్వాడీ ఉద్యోగులు విధులు బహిష్కరించడంపై సాంఘిక సంక్షేమశాఖ మంత్రి గీతా జీవన్‌ స్పందించారు. ఆమె శుక్రవారం మీడియాతో మాట్లాడుతూ, అంగన్వాడీ ఉద్యోగుల ఆందోళన కారణంగా పలు చిన్నారుల సంరక్షణ కేంద్రాలు మూతబడ్డాయి, జిల్లా ప్రణాళిక కార్యాలయాల ముందు ఆందోళనలో పాల్గొనే ఉద్యోగుల వివరాలను సంబంధిత అధికారుల ద్వారా సేకరిస్తున్నట్లు తెలిపారు.

జీవో నెంబరు 117 సామాజిక సంక్షేమం, మహిళల దినం 2025 ఏప్రిల్‌ 30వ తేదీ ప్రకారం అంగన్వాడీ కేంద్రాల్లో చదువుకుంటున్న చిన్నారుల ఆరోగ్యం కోసం ఈ నెల 11 నుండి 25వ తేదీ వరకు అంగన్వాడీ కేంద్రాలకు సెలవు ప్రకటించినట్లు తెలిపారు. అంతేకాకుండా జాతీయ సెలవు, పండుగ రోజుల సెలవు, ఆదివారం సెలవు రోజుల్లో అంగన్వాడీ కేంద్రాల ద్వారా చిన్నారులకు ఆహారం పంపిణీ యథావిధిగా వుంటుందన్నారు. వేతనం, డిఏ పెంపు తదితర రాయితీలు అందుకుంటున్న అంగన్వాడీ ఉద్యోగులు చట్టవిరుద్ధంగా ఆందోళనలో పాల్గొంటే వారిపై చట్టపరమైన చర్యలుంటాయని మంత్రి మంత్రి హెచ్చరించారు.

ఈ వార్తలు కూడా చదవండి

Gold Rates Today: రెండో రోజు తగ్గిన బంగారం, వెండి ధరలు..ఇంకా తగ్గుతాయా..

Lift Irrigation: మళ్లీ సీడబ్ల్యూసీకి ‘పాలమూరు’ డీపీఆర్‌

Kishan Reddy: ఓల్డ్‌ సిటీకీ నిధులు కేటాయించాలి

పెద్దపల్లి ఎయిర్‌పోర్టు.. బసంత్‌నగర్‌లో కాదు.. అంతర్గాంలో!

Read Latest Telangana News and National News