Diwali Special Trains: ప్రయాణికులకు శుభవార్త.. దీపావళి, ఛట్ పూజ సందర్భంగా 12000 ప్రత్యేక రైళ్లు
ABN , Publish Date - Oct 07 , 2025 | 06:43 PM
దేశంలో దీపావళి, ఛట్ పూజ పండుగల సీజన్ సమీపిస్తోంది. ఈ సందర్భంగా దేశవ్యాప్తంగా ప్రజలు తమ స్వస్థలాలకు వెళ్లేందుకు ఎంతగానో ఎదురుచూస్తున్నారు. ఈ క్రమంలోనే ప్రయాణీకులకు ప్రధానమంత్రి నరేంద్ర మోదీ నేతృత్వంలోని కేబినెట్ గుడ్ న్యూస్ తెలిపింది.
దీపావళి, ఛట్ పూజ సీజన్ సమీపిస్తున్న వేళ దేశవ్యాప్తంగా ప్రజల్లో ఉత్సాహం నెలకొంది. స్వస్థలాలకు చేరేందుకు, పండుగ సంబరాల్లో పాల్గొనేందుకు ప్రతి ఒక్కరూ ఆసక్తిగా ఎదురుచూస్తున్నారు. ఈ సంతోషకరమైన సమయంలో, ప్రధానమంత్రి నరేంద్ర మోదీ నేతృత్వంలోని కేంద్ర కేబినెట్ ప్రయాణీకులకు అద్భుతమైన శుభవార్త (Diwali Special Trains) ప్రకటించింది.
పండుగ సీజన్లో సౌకర్యవంతమైన ప్రయాణం కోసం 12,000 ప్రత్యేక రైళ్లను నడపాలని నిర్ణయించారు. ఈ రైళ్లు దేశంలోని వివిధ ప్రాంతాలకు ప్రయాణీకులు సులభంగా చేరుకునేలా చేస్తుంది. ఈ నిర్ణయం పండుగ వాతావరణాన్ని మరింత ఉత్సాహభరితంగా చేస్తూ, ప్రజలకు సౌకర్యవంతమైన ప్రయాణ అనుభవాన్ని అందించనుంది.
ఆన్లైన్లో టికెట్లు ఎలా బుక్ చేసుకోవాలి
IRCTC వెబ్సైట్ ద్వారా సులభంగా టిక్కెట్లు బుక్ చేసుకోవచ్చు.
ముందుగా IRCTC (Indian Railway Catering and Tourism Corporation) అధికారిక వెబ్సైట్ను (https://www.irctc.co.in/nget/redirect?pnr=2108873329&service=PRS_MEAL_BOOKING) ఓపెన్ చేయండి
మీకు IRCTC ఖాతా ఉంటే, లాగిన్ చేయండి. ఖాతా లేకపోతే, మీరు సులభంగా ఒక కొత్త ఖాతాను సృష్టించుకోవచ్చు
మీ గమ్యస్థానం, ప్రయాణ తేదీలు, తరగతి (శ్రేణి) మొదలైన వివరాలను అందించండి
మీరు ఎంచుకున్న వివరాల ఆధారంగా, మీకు అందుబాటులో ఉన్న రైళ్ల జాబితా కనిపిస్తుంది. వాటిలో మీరు ప్రయాణించాల్సిన రైలు ఎంచుకోండి
ఎంచుకున్న రైలులో మీరు ప్రయాణించనున్న వ్యక్తుల వివరాలను పూరించండి
చివరగా, చెల్లింపును ఆన్లైన్లో జరిపి, టికెట్ను బుక్ చేసుకోండి. చెల్లింపు పూర్తయ్యాక, మీ టికెట్ ధృవీకరణ అవుతుంది
ఆఫ్లైన్ బుకింగ్
మీకు ఆన్లైన్లో టికెట్ బుక్ చేయడం కష్టం అయితే మీ సమీప రైల్వే స్టేషన్ కౌంటర్ను సందర్శించి టికెట్ను ఆఫ్లైన్లో కూడా బుక్ చేసుకోవచ్చు. అడ్వాన్స్ టిక్కెట్లను ముందే తీసుకోవచ్చు. దీపావళి, ఛట్ పూజ పండుగలు సమీపిస్తున్నందున ముందుగానే టిక్కెట్లు బుక్ చేసుకుంటే ఇబ్బంది లేకుండా ప్రయాణించవచ్చు.
ఇవీ చదవండి:
లాభాల నుంచి నష్టాల్లోకి.. ఈ రోజు టాప్ ఫైవ్ స్టాక్స్ ఇవే..
ఈ రోజు బంగారం, వెండి ధరలు ఎలా ఉన్నాయంటే..
మరిన్ని బిజినెస్, అంతర్జాతీయ వార్తల కోసం క్లిక్ చేయండి
