Heavy Rains: 17 వరకు మోస్తరు వర్షాలు

చెన్నై: దక్షిణ ఒడిశా, ఉత్తరాంధ్ర తీర ప్రాంతాల్లో ఉపరితల ఆవర్తనం కొనసాగుతోందని, ఈ కారణంగా, ఉత్తర తమిళనాడులోని పలు ప్రాంతాలు, దక్షిణ తమిళనాడు, పుదుచ్చేరి, కారైక్కాల్‌(Tamil Nadu, Puducherry, Karaikal)ల్లో కొన్ని ప్రాంతాల్లో తేలికపాటి నుంచి మోస్తరు వర్షాలు కురిసే అవకాశముందని ప్రాంతీయ వాతావరణ పరిశోధన కేంద్రం తెలిపింది. అలాగే, ఉరుములు, పిడుగులతో కూడిన ఈదురుగాలులు 30 నుంచి 40 కి.మీ వేగంతో వీచే అవకాశముందని తెలిపింది.

కడలూరు, విల్లుపురం, కళ్లకుర్చి, తిరువణ్ణామలై, పెరంబలూరు, అరియలూరు, తంజావూరు, పుదుకోట, శివగంగ, మైలాగుదురై, నాగపట్టణం(Nagapattanam) జిల్లాల్లో ఒకటి, రెండు ప్రాంతాలు, పుదుచ్చేరి, కారైక్కాల్‌ ప్రాంతాల్లో శుక్రవారం నుంచి ఈ నెల 17వ తేది వరకు భారీవర్షం కురిసే అవకాశముందని తెలిపింది. అదే సమయంలో, శుక్రవారం నుంచి ఈ నెల 15వ తేది వరకు రాష్ట్రంలో పగటి ఉష్ణోగ్రతలు సాధారణం కన్నా 2-3 డిగ్రీల మేర వరకు పెరిగే అవకాశముంది.

రాజధాని నగరం చెన్నై, శివారు ప్రాంతాల్లో ఆకాశం మేఘావృతంగా ఉంటూ, కొన్ని ప్రాంతాల్లో మెరుపులు, ఉరుములతో కూడి తేలికపాటి నుంచి మోస్తరు వర్షం కురిసే అవకాశముందని, పగటి ఉష్ణోగ్రత 33-34 డిగ్రీలు, రాత్రి ఉష్ణోగ్రత 26 డిగ్రీల సెల్సియ్‌సగా నమోదయ్యే అవకాశముందని వాతావరణ కేంద్రం తెలిపింది.

ఈ వార్తలు కూడా చదవండి..

967 డిగ్రీ కళాశాలల్లో 2.41 లక్షల సీట్లు

లాకర్‌ తాళాల కోసం చిత్ర హింసలు పెట్టి..

Read Latest Telangana News and National News