Anuparna Roy : వెనిస్ ఫిల్మ్ ఫెస్టివల్లో ఉత్తమ దర్శకురాలిగా అనుపర్ణరాయ్
ABN , Publish Date - Sep 07 , 2025 | 09:26 AM
భారతీయ యువ దర్శకురాలు అనుపర్ణ రాయ్ చరిత్ర సృష్టించారు. వెనీస్ ఇంటర్నేషనల్ ఫిల్మ్ ఫెస్టివల్ 82వ ఎడిషన్లో ఉత్తమ దర్శకురాలిగా అవార్డు పొందారు. ఆమె సినిమా 'సాంగ్స్ ఆఫ్ ఫర్గాటెన్ ట్రీస్'కు ఈ అవార్డు దక్కింది.
వెనిస్ (ఇటలీ), సెప్టెంబర్ 7 : భారతీయ యువ దర్శకురాలు అనుపర్ణ రాయ్ చరిత్ర సృష్టించారు. వెనీస్ ఇంటర్నేషనల్ ఫిల్మ్ ఫెస్టివల్ 82వ ఎడిషన్లో ఉత్తమ దర్శకురాలిగా అవార్డు పొందారు. ఆమె సినిమా 'సాంగ్స్ ఆఫ్ ఫర్గాటెన్ ట్రీస్'కు ఈ అవార్డు దక్కింది. ఓరిజాంటి పోటీలో అనుపర్ణ బెస్ట్ డైరెక్టర్ అవార్డును గెలుచుకున్నారు. ఈ అవార్డును ఓరిజాంటి జ్యూరీ అధ్యక్షురాలిగా ఉన్న ఫ్రెంచ్ డైరెక్టర్ జూలియా డుకోర్నావు.. అనుపర్ణకు అవార్డు ప్రదానం చేశారు.
ముంబైలో ఇద్దరు వలస మహిళల జీవితాలను చిత్రిస్తూ తీసిన సినిమా 'సాంగ్స్ ఆఫ్ ఫర్గాటెన్ ట్రీస్'. ఒంటరితనం, జీవనోపాధి, క్షణిక సంబంధాల థీమ్లతో ఈ సినిమా రూపొందిచారు అనుపర్ణ. ఓరిజాంటి విభాగంలో భారత్ నుంచి ఈ సినిమా మాత్రమే పాల్గొనడం విశేషం. ప్రముఖ దర్శకుడు అనురాగ్ కశ్యప్ నిర్మాణంలో ఈ సినిమా తెరకెక్కింది. ఈ చరిత్రాత్మక విజయం భారతీయ సినిమాను అంతర్జాతీయంగా మరింత ఎత్తుకు తీసుకెళ్లింది.
అవార్డు స్వీకరణ సమయంలో తెల్లటి శారీలో కనిపించిన అనుపర్ణ రాయ్, 'ఈ క్షణం స్వప్నంలా ఉంది' అంటూ తన ఆనందాన్ని వ్యక్తం చేశారు. ఈ సందర్భంగా ఆమె.. జ్యూరీ, నిర్మాతలు, కళాకారులు, అనురాగ్ కశ్యప్లకు ధన్యవాదాలు చెప్పారు. ఇది భారతీయ సినిమా, గ్లోబల్ స్టేజ్పై కొత్త మైలురాయిని నిర్మించడంలో కీలక పాత్ర పోషించిందని అనుపర్ణ అన్నారు.
ఈ ఫిల్మ్ ఫెస్టివల్లో ఇతర ముఖ్య అవార్డులు:
'గోల్డెన్ లయన్'ను జిమ్ జార్మస్క్ చిత్రం 'ఫాదర్ మదర్ సిస్టర్ బ్రదర్'కు లభించింది.
'సిల్వర్ లయన్ గ్రాండ్ జ్యూరీ' ప్రైజ్ను 'ది వాయిస్ ఆఫ్ హింద్ రజబ్' గెల్చుకుంది.
బెస్ట్ డైరెక్టర్ అవార్డుతో అనుపర్ణరాయ్ భారతీయ చిత్రరంగానికి గర్వకారణమయ్యారు.
ఇవి కూడా చదవండి
కవిత వ్యాఖ్యలను..ఆమె విజ్ఞతకే వదిలేస్తున్నా
