World's Most Luxurious Trains: ఈ రైళ్లలో ప్రయాణించాలంటే ఆస్తులు అమ్మాల్సిందే..!

ఇంటర్నెట్ డెస్క్: రైలు ప్రయాణం అంటే చాలా మందికి ఇష్టం. ముఖ్యంగా ఎక్కువ దూరం ప్రయాణించడానికి రైలు ప్రయాణం బెస్ట్. ఎందుకంటే, ఇతర ప్రయాణ మార్గాలతో పోలిస్తే, రైలు ప్రయాణం చాలా తక్కువ ఖర్చుతో కూడుకున్నది. అంతేకాకుండా, చాలా సౌకర్యవంతంగా ఉంటుంది. కిటికీలోంచి బయటకు చూస్తూ ప్రకృతి అందాలను ఆస్వాదించవచ్చు. రైలు ప్రయాణంలో ఆహారం కూడా ఒక ఆనందాన్నిస్తుంది. అయితే, మిగితా రైళ్లు ఎలా ఉన్నా.. ఈ రైళ్లలో ప్రయాణించాలంటే మాత్రం ఆస్తులు అమ్ముకోవాల్సిందే. ఎందుకంటే, ఈ రైళ్లు ప్రపంచంలో అత్యంత ఖరీదైనవి. అవేంటో ఇప్పుడు తెలుసుకుందాం..

మహారాజాస్ ఎక్స్‌ప్రెస్

మహారాజాస్ ఎక్స్‌ప్రెస్ అనేది భారతీయ రైల్వే క్యాటరింగ్ అండ్ టూరిజం కార్పొరేషన్ (IRCTC) నడిపే ఒక లగ్జరీ టూరిస్ట్ రైలు. ఇది భారతదేశంలోని ప్రముఖ లగ్జరీ రైళ్లలో ఒకటి. ఇది భారతదేశం అంతటా రాజ స్థలాలను, వారసత్వ ప్రదేశాలను విలాసవంతంగా సందర్శించడానికి అనేక ప్రయాణాలను అందిస్తుంది. ఈ రైలు అత్యుత్తమ భోజన సౌకర్యాలు, విలాసవంతమైన క్యాబిన్‌లు, వ్యక్తిగత సేవలను అందిస్తుంది. ప్రైడ్ ఆఫ్ ఇండియా అని పిలువబడే ఈ రైలు అక్టోబర్ నుండి ఏప్రిల్ వరకు నడుస్తుంది. జైపూర్, ఉదయపూర్, ఆగ్రా, వారణాసి వంటి గమ్యస్థానాలకు మిమ్మల్ని తీసుకెళుతుంది. ప్రయాణానికి కనీస ఛార్జీలు రూ. 6.9 లక్షల నుండి రూ. 22.2 లక్షల వరకు ఉంటుంది.

ట్రైన్ సూట్ షికి-షిమా

జపాన్‌కు చెందిన ఈ రైలు అత్యంత విలాసవంతమైన, ఖరీదైన లగ్జరీ రైలు. ఇది ప్రత్యేకమైన ప్రయాణ అనుభవాన్ని అందిస్తుంది. ఆధునిక సౌకర్యాలతో ఉన్న ఈ రైలు విభిన్న ప్రదేశాలలో ఆగుతూ, ప్రయాణికులకు జపాన్ సంస్కృతిని, ప్రకృతిని ఆస్వాదించే అవకాశాన్ని కల్పిస్తుంది. టోక్యో నుండి బయలుదేరే ఈ రైలు ప్రపంచంలోనే అత్యంత ప్రత్యేకమైన వాటిలో ఒకటి. ఛార్జీలు ఒక్కో ప్రయాణీకుడికి 1.68 మిలియన్ల నుండి 1.95 మిలియన్ల రూపాయల వరకు ఉంటుంది.

వెనిస్ సింప్లాన్-ఓరియంట్-ఎక్స్‌ప్రెస్

వెనిస్ సింప్లాన్-ఓరియంట్-ఎక్స్‌ప్రెస్ అనేది లండన్, పారిస్, వెనిస్, ఇస్తాంబుల్ వంటి యూరోపియన్ నగరాల మధ్య నడిచే ఒక విలాసవంతమైన స్లీపర్ రైలు. ఈ రైలు యూరప్ లోని వివిధ ప్రాంతాలను చూపిస్తుంది. ప్రేమకథలకు ప్రసిద్ధి చెందిన ఈ రైలు ఛార్జీలు రూ. 3.9 లక్షల నుండి (సుమారు $3.9 మిలియన్ USD) ప్రారంభమవుతాయి. దీని ప్రత్యేకతలలో పాతకాలపు ఆకర్షణ, ప్రత్యక్ష సంగీతం ఉన్నాయి.

రోవోస్ రైలు (దక్షిణాఫ్రికా)

ప్రైడ్ ఆఫ్ ఆఫ్రికా అని పిలువబడే ఈ రైలు దక్షిణాఫ్రికా, జింబాబ్వే, నమీబియా, టాంజానియాలను కలుపుతూ ప్రయాణం చేసే అవకాశం కల్పిస్తుంది. ఛార్జీలు రూ. 3,00,000 నుండి రూ. 1.5 మిలియన్ల వరకు (సుమారు $1.5 మిలియన్లు) ఉంటాయి.

బెల్మండ్ రాయల్ స్కాట్స్‌మన్ (స్కాట్లాండ్)

స్కాటిష్ హైలాండ్స్‌లో పర్యటించే ఈ లగ్జరీ రైలు ఛార్జీలు రూ. 4.7 లక్షల నుండి రూ. 1.2 మిలియన్ల వరకు ఉంటాయి. ఇది సౌకర్యవంతమైన క్యాబిన్‌లు, ఆన్‌బోర్డ్ స్పా, ఓపెన్-ఎయిర్ డెక్‌ను అందిస్తుంది.

ఇవి కూడా చదవండి..

పోలీసుల పని తీరును తప్పక కొనియాడాల్సిందే: విశాఖ సీపీ

Yarapathineni Slams Jagan: ఆ భూతం లేకపోవడంతో రెట్టింపు ఉత్సహంతో దీపావళి వేడుకలు..

Read Latest AP News And Telugu News