December Travel Destinations: డిసెంబర్లో సందర్శించాల్సిన అందమైన ప్రదేశాలు ఇవే..
ABN , Publish Date - Dec 23 , 2025 | 03:20 PM
శీతాకాలంలో ప్రకృతి మరింత అందంగా కనిపిస్తుంది. చల్లని వాతావరణం, మంచుతో కప్పబడిన పర్వతాలు అద్భుతంగా ఉంటాయి. కుటుంబం లేదా స్నేహితులతో మీరు ట్రిప్ ప్లాన్ చేస్తుంటే, మన దేశంలో చూడదగ్గ అనేక ప్రదేశాలు ఉన్నాయి.
ఇంటర్నెట్ డెస్క్: శీతాకాలం అంటే ప్రకృతి అందాలను ఆస్వాదించడానికి అత్యుత్తమ సమయం. చల్లని వాతావరణం, మంచుతో కప్పబడిన పర్వతాలు, పచ్చని లోయలు అందాలను మరింత ఆహ్లాదకరంగా చూపిస్తాయి. ఈ డిసెంబర్లో కుటుంబం లేదా స్నేహితులతో మీరు ట్రిప్ ప్లాన్ చేసుకుంటున్నట్లయితే, మన దేశంలో చూడదగ్గ ఎన్నో అందమైన ప్రదేశాలు ఉన్నాయి. అవేంటో ఇప్పుడు తెలుసుకుందాం..
హంపి
హంపి ఇది ఎంతో అందమైన, అద్భుతమైన ప్రదేశం. కర్ణాటకలోని ఒక చారిత్రక ప్రాంతం. ఇది విజయనగర సామ్రాజ్యానికి గొప్ప రాజధానిగా ఉండేది. ఇప్పుడు యునెస్కో ప్రపంచ వారసత్వ ప్రదేశం (UNESCO World Heritage Site). ఇది తుంగభద్ర నది ఒడ్డున, శిధిలమైన ఆలయాలు, రాజభవనాలు, రాతి నిర్మాణాలు, ఆధ్యాత్మిక స్థలాలతో నిండి ఉంటుంది. ముఖ్యంగా విరూపాక్ష ఆలయం, విఠల ఆలయం వంటివి ప్రసిద్ధమైనవి. ఇది చరిత్ర, వాస్తుశిల్పం, ప్రకృతి సౌందర్యం కలగలిసిన ప్రదేశం.
ఊటీ
ఊటీ (Udhagamandalam) తమిళనాడులోని ఒక ప్రసిద్ధ హిల్ స్టేషన్. ఇది నీలగిరి కొండలలో ఉంది. దీనిని కొండల రాణి అని పిలుస్తారు. ఇక్కడ తేయాకు తోటలు, చల్లని వాతావరణం, అందమైన సరస్సులు (ఊటీ సరస్సు), తోటలు (బొటానికల్ గార్డెన్, రోజ్ గార్డెన్), ప్రసిద్ధ నీలగిరి మౌంటెన్ రైల్వే (టాయ్ ట్రైన్) వంటివి పర్యాటకులను ఆకర్షిస్తాయి. ఇది ప్రకృతి సౌందర్యం, టీ తయారీ సంప్రదాయం, స్థానిక సంస్కృతిని అనుభవించడానికి అద్భుతమైన ప్రదేశం.
మనాలి
హిమాచల్ ప్రదేశ్లోని కులు లోయలో ఉన్న ఒక ప్రసిద్ధ పర్యాటక కేంద్రం మనాలి. దేవతల లోయగా ప్రసిద్ధి చెందింది. ఇది హిమపాతం, పచ్చని అడవులు, నదులు, సాహస క్రీడలు (రివర్ రాఫ్టింగ్, హైకింగ్) మనువు దేవాలయం వంటి ప్రదేశాలకు పేరుగాంచింది. ఇది ప్రకృతి సౌందర్యం, సాహసయాత్రలకు అనువైనది.
వారణాసి
హిందువులకు అత్యంత పవిత్రమైన పుణ్యక్షేత్రం వారణాసి. ఉత్తర ప్రదేశ్లో ఉన్న పురాతన నగరం. శివుని నివాసం, గంగానది ఒడ్డున ఉంది. ఇక్కడ స్నానం చేస్తే మోక్షం లభిస్తుందని నమ్మకం. ఇది ప్రపంచంలోని పురాతన నగరాల్లో ఒకటి. ఇది ముఖ్యమైన సాంస్కృతిక, ఆధ్యాత్మిక కేంద్రం, అనేక దేవాలయాలకు నిలయం, ముఖ్యంగా కాశీ విశ్వనాథ ఆలయానికి ప్రసిద్ధి.
(Note: ఇందులోని సమాచారం ఇంటర్నెట్ ఆధారంగా మీకు అందించడం జరుగుతుంది. కేవలం మీ అవగాహన కోసమే.. ABN ఆంధ్రజ్యోతి దీనిని ధృవీకరించలేదు )
Also Read:
న్యూ ఇయర్ పార్టీ.. ఇండియాలో బెస్ట్ బీచ్ డెస్టినేషన్స్ ఏవో తెలుసా?
కొలెస్ట్రాల్ పెరిగినప్పుడు శరీరంలో కనిపించే సంకేతాలు ఇవే.!
For More Latest News
