Chinese Scientists Develop Bone Glue: విరిగిన ఎముకను 3నిమిషాల్లో అతికించే గ్లూ‘

బీజింగ్‌, సెప్టెంబరు 13: చిరిగిన కాగితాన్ని బంక/జిగురు(గ్లూ)తో అతికించినట్టుగా విరిగిన ఎముకను అతికించేందుకు చైనా శాస్త్రవేత్తలు ఓ గ్లూ కనిపెట్టారు. ఇది కేవలం మూడు అంటే మూడు నిమిషాల్లోనే విరిగిన ఎముకను అతికిస్తుందని చెప్పారు. నీటి అడుగున వివిధ పరిసరాల్లో బలంగా అతుక్కునే ఆలుచిప్పల స్ఫూర్తితో ఈ గ్లూను అభివృద్ధి చేశారు. తూర్పు చైనాలోని షెజాంగ్‌ ప్రావిన్స్‌లోని సర్‌ రన్‌ రన్‌ షా ఆస్పత్రిలో అసోసియేట్‌ చీఫ్‌ ఆర్థోపెడిక్‌ సర్జన్‌ డాక్టర్‌ లిన్‌షాన్‌ ఫింగ్‌ నేతృత్వంలోని బృందం ‘బోన్‌ 02’ పేరిట ఈ గ్లూను అభివృద్ధి చేసిందని చైనా మీడియా పేర్కొంది. శస్త్రచికిత్స అవసరం లేకుండా ఎముక విరిగిన చోట ఓ సూది ద్వారా బోన్‌02 గ్లూను పెట్టవచ్చని, ఆ తర్వాత రెండు నుంచి మూడు నిమిషాల్లోనే విరిగిన ఎముక అతుక్కుంటుందని లిన్‌ చెబుతున్నారు. రక్త ప్రసరణ అధికంగా ఉన్న భాగాల్లో కూడా మెరుగ్గా పని చేసే బోన్‌ 02 గ్లూ.. ఎముక అతుక్కున్న వెంటనే శరీరంలో కలిసిపోతుందని, ఇన్‌ఫెక్షన్ల భయం కూడా లేదని వెల్లడించారు. 150 మందికి పైగా రోగులకు ఈ గ్లూతో చికిత్స చేశామని, ఈ గ్లూతో అతికిన ఎముకలు చాలా ధృడంగా ఉన్నట్టు గుర్తించామని లిన్‌ పేర్కొన్నారు.

ఇవి కూడా చదవండి..

Congress AI Video On PM Mother: మోదీ తల్లిపై కాంగ్రెస్ వివాదాస్పద ఏఐ వీడియో.. బీజేపీ ఫైర్

Vijay Statewide Tour: రాజుల తరహాలోనే ప్రజాస్వామ్య యుద్ధానికి ముందు మీ ముందుకొచ్చా

For More National News and Telugu News