Coconut Water Side Effects: షాకింగ్ రిపోర్ట్.. ఈ ఆరోగ్య సమస్యలు ఉన్నవారు ఎట్టి పరిస్థితుల్లోనూ కొబ్బరి నీళ్లు తాగకూడదు.!
ABN , Publish Date - Sep 04 , 2025 | 01:51 PM
ఈ ఆరోగ్య సమస్యలు ఉన్నవారు ఎట్టి పరిస్థితుల్లోనూ కొబ్బరి నీళ్లు తాగకూడదని ఆరోగ్య నిపుణులు హెచ్చరిస్తున్నారు. అయితే, కొబ్బరి నీళ్లు తాగడం ఎవరికి మంచిది కాదో ఇప్పుడు తెలుసుకుందాం..
ఇంటర్నెట్ డెస్క్: కొబ్బరి నీరు ఆరోగ్యానికి మంచి సహజ పానీయం, అందుకే చాలా మంది దీనిని ఎక్కువగా తాగుతారు. కొబ్బరి నీళ్లలో హైడ్రేటింగ్ లక్షణాలు ఉన్నాయి. దాని యాంటీఆక్సిడెంట్లు, ఎలక్ట్రోలైట్ కంటెంట్ కారణంగా దీనిని సహజ ఆరోగ్య పానీయంగా చెబుతారు. ఇందులో పొటాషియం, మెగ్నీషియం, సోడియం, విటమిన్లు పుష్కలంగా ఉంటాయి. అనారోగ్యంతో ఉన్నవారికి ఇది చాలా మంచిదని అంటారు. కానీ, నేషనల్ కిడ్నీ ఫౌండేషన్లో ప్రచురించిన ఒక అధ్యయనం ప్రకారం, ఈ పోషకాలు అధికంగా ఉండే పానీయం మూత్రపిండ సమస్యలు లేదా బలహీనమైన మూత్రపిండాల పనితీరు ఉన్నవారికి ఏ మాత్రం మంచిది కాదు. తీవ్రమైన ప్రమాదాలను కలిగిస్తుంది. అయితే, కిడ్నీ సమస్యతో బాధపడేవారికి కొబ్బరి నీరు ఎందుకు ప్రమాదకరమో ఇప్పుడు తెలుసుకుందాం..
కిడ్నీ బాధితులు కొబ్బరి నీరుని అధికంగా తీసుకుంటే తీవ్రమైన ఆరోగ్య సమస్యలు ఎదుర్కోవాల్సి వస్తుందని అధ్యయనంలో తేలింది. పొటాషియం అధికంగా ఉండే కొబ్బరి నీరు హైపర్కలేమియాకు దారితీస్తుంది. రక్తంలో పొటాషియం స్థాయిలు చాలా ఎక్కువగా మారే ప్రమాదకరమైన పరిస్థితి ఏర్పడుతుంది. ఇది హృదయ స్పందన రేటును కూడా ప్రభావితం చేస్తుంది. దీర్ఘకాలిక మూత్రపిండ వ్యాధి (CKD) ఉన్నవారు తరచుగా పొటాషియం, ద్రవ సమతుల్యతను నియంత్రించడంలో ఇబ్బంది పడతారు. అందుకే, కొబ్బరి నీరు తాగడం అటువంటి వారికి చాలా ప్రమాదకరం.
అధిక పొటాషియం కంటెంట్
కొబ్బరి నీళ్లలో 600 మి.గ్రా పొటాషియం ఉంటుంది. ఇది మూత్రపిండాల సమస్యలు ఉన్నవారిలో ప్రమాదకరంగా పేరుకుపోతుంది. మూత్రపిండాలు అదనపు పొటాషియంను ఫిల్టర్ చేయడానికి కష్టపడతాయి. ఇది హైపర్కలేమియా ప్రమాదాన్ని పెంచుతుంది. ఇది అరిథ్మియా, కండరాల బలహీనత లేదా పక్షవాతానికి దారితీస్తుంది. కాబట్టి, కిడ్నీ సమస్యతో బాధపడేవారు కొబ్బరి నీళ్లు తాగేముందు వైద్యుడిని సంప్రదించడం చాలా ముఖ్యం. అలాగే, ఈ అధ్యయనం ప్రకారం, ఆరోగ్యంగా ఉండే వారు కూడా కొబ్బరి నీరును తగినంత మాత్రమే తీసుకోవడం సురక్షితమని సూచిస్తుంది.
(NOTE: ఇంటర్నెట్లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు ABN ఆంధ్రజ్యోతి బాధ్యత వహించదు.)
Also Read:
పోలీస్ స్టేషన్లలో పని చేయని సీసీటీవీ కెమెరాలు.. సుప్రీంకోర్టు కీలక నిర్ణయం..
మహా నిమజ్జనానికి జిహెచ్ఎంసి భారీ ఏర్పాట్లు
For More Latest News
