Zepto IPO: ఇంకొన్ని రోజుల్లో జెప్టో నుంచి ఐపీఓ.. జొమాటో, స్విగ్గీలకు గట్టి పోటీ

క్విక్ కామర్స్ ప్రపంచంలో సందడి చేస్తున్న జెప్టో (Zepto) ఇప్పుడు ఐపీఓ విషయంలో మరో కీలక ముందడుగు వేసినట్లు తెలుస్తోంది. Zepto 2024 ద్వితీయార్ధంలో తన IPO కోసం సలహాదారులుగా గోల్డ్‌మన్ సాచ్స్, మోర్గాన్ స్టాన్లీ, యాక్సిస్ క్యాపిటల్ వంటి ప్రముఖ పెట్టుబడి బ్యాంకులను ఎంపిక చేసింది. 2025 ద్వితీయార్థంలో స్టాక్ మార్కెట్‌లోకి ప్రవేశించాలని కంపెనీ యోచిస్తోంది.

ఈ క్రమంలోనే తన కార్యకలాపాలను సులభతరం చేయడానికి ఈ కంపెనీ Zepto Marketplace Private Limited పేరుతో కొత్త కంపెనీని ఏర్పాటు చేసింది. ఈ కొత్త యూనిట్ అక్టోబర్ 22, 2024న నమోదు చేయబడింది. ఐపీఓకు ముందు తన కార్యకలాపాలను సులభతరం చేయడమే కంపెనీ ఈ యూనిట్‌ను రూపొందించడం ఉద్దేశమని ఆయా వర్గాలు తెలిపాయి.

జెప్టో కూడా అదే తరహాలో

జెప్టో కంపెనీ ప్రస్తుతం బిజినెస్ టు బిజినెస్ (B2B) మోడల్‌లో పనిచేస్తుంది. కంపెనీ భారతీయ విభాగం Kirankart Technologies Pvt Ltd నేరుగా బ్రాండ్‌ల నుంచి వస్తువులను సోర్స్ చేస్తుంది. Zepto ప్లాట్‌ఫారమ్‌ను నిర్వహించే కంపెనీలకు ప్రత్యేకంగా విక్రయిస్తుంది. జెప్టో పోటీదారులైన Blinkit, Swiggy Instamart చాలా కాలంగా మార్కెట్లో ఇలాగే పనిచేస్తున్నాయి. దీంతో విక్రేతలు నేరుగా వినియోగదారుల కోసం జాబితాను పొందవచ్చు. ఇప్పుడు జెప్టో కూడా అలాంటిదే చేస్తోంది. ఈ మార్పుతో Zepto ఆపరేషన్ కూడా Blinkit, Swiggy Instamart తరహాలో నడుస్తుంది.

ఏకైక మోడల్

Zepto కంపెనీని ఆదిత్ పాలిచా మరియు కైవల్య వోహ్రా ప్రారంభించారు. ఈ కంపెనీ నేరుగా బ్రాండ్‌ల నుంచి ఉత్పత్తులను కొనుగోలు చేస్తుంది. వాటిని Geddit కన్వీనియెన్స్, Drogheria సెల్లర్స్, Commodum Groceries వంటి లైసెన్స్ పొందిన సంస్థలకు విక్రయిస్తుంది. ఈ సంస్థలు Zepto యాప్‌లో ఈ ఉత్పత్తులను కస్టమర్‌లకు అందజేస్తున్నాయి.

పోటీలో

ఈ క్రమంలోనే జెప్టో కంపెనీ తన IPO కంటే ముందు పెట్టుబడిదారులందరికీ తన వ్యాపార నమూనాను, పారదర్శకంగా మార్చాలనుకునే అవకాశం ఉంది. యూనిఫాం వ్యాపార నమూనా అమలు చేయబడిన తర్వాత Zepto ఆపరేటింగ్ మెట్రిక్‌లను బాగా అంచనా వేయడానికి పెట్టుబడిదారులకు ఇది సహాయపడుతుంది. మరోవైపు జెప్టో ప్రత్యర్థులైన Blinkit, Instamart (ఇది Swiggyలో భాగం) ఇప్పటికే స్టాక్ ఎక్స్ఛేంజ్‌లో జాబితా అయ్యాయి. ఇప్పుడు Zepto కూడా ఈ దశ రేసులో ఉందని చెప్పవచ్చు. ఈ క్రమంలో పెట్టుబడి దారులు జెప్టో ఐపీఓ ఎప్పుడు వస్తుందా అని ఆసక్తితో ఎదురుచూస్తున్నారు.

ఇవి కూడా చదవండి:

Piyush Goyal: ఈవీలకు సబ్సిడీలు అవసరం లేదు.. వారే స్వయంగా చెప్పారు

Personal Finance: జస్ట్ నెలకు రూ. 3500 సేవ్ చేస్తే.. రూ. 2 కోట్లు మీ సొంతం..

Investment Tips: రూ. 20 వేల శాలరీ వ్యక్తి.. ఇలా రూ. 6 కోట్లు సంపాదించుకోవచ్చు..

Personal Finance: రూ. 10 వేల పొదుపుతో రూ. 7 కోట్ల సంపాదన.. ఎలాగో తెలుసా..

Read More Business News and Latest Telugu News