Upcoming IPOs: వచ్చే వారం రానున్న ఐపీఓలు ఇవే.. ఈసారి ఎన్నో తెలుసా..

చాలా రోజుల తర్వాత వచ్చే వారం స్టాక్ మార్కెట్లో (Indian Stock Market) ఐపీఓల సందడి పెరగనుంది. ఎందుకంటే జూన్ 23 నుంచి మొదలయ్యే వారంలో ఏకంగా 12 కంపెనీల IPOలు మార్కెట్‌లోకి (Upcoming IPOs) రాబోతున్నాయి. ఇవి స్టాక్ మార్కెట్ నుంచి రూ. 15,800 కోట్లు సేకరించనున్నాయి. స్పెషల్ ఏంటంటే ఈ 12 IPOలలో, 5 IPOలు మెయిన్‌బోర్డ్ కంపెనీలకు చెందినవే. మధ్య ప్రాచ్య దేశాలు, సుంకాల వల్ల ఏర్పడిన అస్థిరత ఉన్నప్పటికీ, స్టాక్ మార్కెట్ చాలా సానుకూలంగా కనిపించడం విశేషం.

మెయిన్‌బోర్డ్ కంపెనీల IPOలు

జూన్ 24 నుంచి మెయిన్‌బోర్డ్ విభాగం కింద మూడు IPOలు ఒకే రోజు, ఒకేసారి మొదలు కానున్నాయి. వీటిలో ముంబైకి చెందిన రియల్ ఎస్టేట్ డెవలపర్ కల్పతరు ఒక్కో షేరుకు రూ. 387-414 ధరల‌తో రూ. 1,590 కోట్లు సేకరించాలని యోచిస్తోంది. మరో సంస్థ పారిశ్రామిక గ్యాస్ ప్రొవైడర్ ఎల్లెన్‌బెర్రీ ఒక్కో షేరుకు రూ. 380-400 ధరలతో బ్యాండ్‌తో మొదటి పబ్లిక్ ఇష్యూ ద్వారా రూ. 852.53 కోట్లు సేకరించాలని భావిస్తోంది. న్యూఢిల్లీకి చెందిన EPC కంపెనీ గ్లోబ్ సివిల్ ప్రాజెక్ట్స్ ఒక్కో షేరుకు రూ. 67-71 ధరల‌తో పబ్లిక్ ఇష్యూ ద్వారా రూ. 119 కోట్లు సేకరించాలని చూస్తోంది. ఈ మూడు IPOలు జూన్ 26న ముగుస్తాయి.

సంవత్సరంలో అతిపెద్ద IPO

ఇదే సమయంలో ఈ ఏడాది అతిపెద్ద IPO జూన్ 25న రానుంది. ఇది HDFC బ్యాంక్ HDB ఫైనాన్షియల్ సర్వీసెస్. దీని పరిమాణం రూ. 12,500 కోట్లు. ఈ IPO జూన్ 27న ముగుస్తుంది. ఈ కంపెనీ IPO ధర బ్యాండ్ ఒక్కో షేరుకు రూ. 700-740గా నిర్ణయించారు. ఎలక్ట్రిక్ రెసిస్టెన్స్ వెల్డెడ్ స్టీల్ పైపులు, స్ట్రక్చరల్ ట్యూబ్‌లను తయారు చేసే సంస్థ సంభవ్ స్టీల్ ట్యూబ్స్ IPO కూడా జూన్ 25న ప్రారంభం కానుంది. దీని ధర బ్యాండ్ ఒక్కో షేరుకు రూ. 77-82గా ఉంది.

SME విభాగంలో 7 IPOలు

SME విభాగంలో కూడా ఇలాంటివి ఉన్నాయి. మొత్తం 7 IPOలు ప్రారంభం కానున్నాయి. వీటిలో AJC జ్యువెల్ తయారీదారులు జూన్ 23-26 తేదీలలో ప్రారంభమయ్యే రూ. 14.59 కోట్ల విలువైన మొదటి పబ్లిక్ ఇష్యూగా వస్తున్నారు. దీని ధర ఒక్కో షేరుకు రూ. 90-95గా ఉంటుంది. మరుసటి రోజు జూన్ 24న, రూ.61.35 కోట్ల విలువైన మూడు పబ్లిక్ ఇష్యూలు శ్రీహరే-కృష్ణ స్పాంజ్ ఐరన్, కాన్ ఫెసిలిటేటర్స్, అబ్రమ్ ఫుడ్ ఉన్నాయి. ఇవి జూన్ 26 వరకు సబ్‌స్క్రిప్షన్ కోసం అందుబాటులో ఉంటాయి.

ఎప్పటివరకు ఛాన్స్

జూన్ 25న రూ.42.16 కోట్ల ధరతో సన్‌టెక్ ఇన్‌ఫ్రా సొల్యూషన్స్ తదుపరి IPO, ఆ తర్వాత జూన్ 26న ఏస్ ఆల్ఫా టెక్ రూ.47.15 కోట్ల IPO, ప్రో FX టెక్ రూ.38.21 కోట్ల తొలి పబ్లిక్ ఇష్యూ రాబోతున్నాయి. SME విభాగంలో కొత్త లాంచ్‌లు కాకుండా, మూడు IPOలు సేఫ్ ఎంటర్‌ప్రైజెస్ రిటైల్ ఫిక్చర్స్, మాయాషీల్ వెంచర్స్, ఆకార్ మెడికల్ టెక్నాలజీస్ కూడా ఉన్నాయి. వచ్చే వారం జూన్ 24 వరకు ఇవి సబ్‌స్క్రిప్షన్ కోసం తెరిచి ఉంటాయి.

ఇవీ చదవండి:

గుడ్ న్యూస్.. ఎల్‌ఐసీ హౌసింగ్ ఫైనాన్స్ హోం లోన్ వడ్డీ రేట్ల తగ్గింపు

ఈ యాప్ 20 లక్షల పోయిన ఫోన్‌లను గుర్తించింది.. ఎలాగంటే..

మరిన్ని ఏపీ, అంతర్జాతీయ వార్తల కోసం క్లిక్ చేయండి