Business Ideas: మీ దగ్గర రూ.1000 లు ఉంటే చాలు.. ఈ వ్యాపారంలో నెలకు మినిమం రూ.30 వేల ప్రాఫిట్..
ABN , Publish Date - Mar 11 , 2025 | 02:15 PM
Business Ideas: ఒకరికింద పనిచేయడం కంటే సొంతంగా వ్యాపారం చేసి డబ్బు సంపాదించాలని కోరుకుంటున్నారు నేటితరం. ఉద్యోగం ద్వారా కంటే బిజినెస్ వల్లే త్వరగా సంపాదించగలిగే సౌలభ్యం ఉండటమూ మరో కారణం. తక్కువ మొత్తంలో ఇన్వెస్ట్ చేసి ఎక్కువ ప్రాఫిట్ వచ్చే మార్గం కోసం మీరు వెతుకుతుంటే ఈ బిజినెస్ ఐడియా మీకోసమే..
Low Investment Business Ideas: ఉద్యోగం కోసం సొంతూరు వదిలి ఎక్కడెక్కడికో వెళ్లి ఒత్తిడితో పనిచేయడం కంటే ఏదైనా ఓన్ బిజినెస్ స్టార్ట్ చేయడం మేలని ఆలోచించే వారి సంఖ్య పెరుగుతోంది. కుటుంబానికి రోజూ తగిన సమయం కేటాయించుకుంటూనే.. ఒత్తిడి లేకుండా నిలకడైన ఆదాయ మార్గం కోసం మీరు అన్వేషిస్తుంటే ఈ బిజినెస్ చేయండి. ఇంటి దగ్గరే ఉంటూనే ఆదాయం పొందాలనుకునేవారికే కాదు.. మీ జాబ్ వదులుకోకుండా పార్ట్ టైంగా కూడా ఈ వ్యాపారం చేసుకోవచ్చు. పెట్టుబడి ఖర్చు కేవలం వెయ్యి రూపాయలు. ఇంత తక్కువ మొత్తంలో చేయగలిగే బిజినెస్ ఈ కాలంలో ఇదొక్కటే తెలుసా.. ఆల్ టైం డిమాండ్ ఉన్న ఈ బెస్ట్ బిజినెస్ ఐడియా గురించి పూర్తి వివరాలు మీకోసం..
పని, పెట్టుబడి రెండూ తక్కువే..
బిజినెస్ చేయాలనే కోరిక చాలా మంది మనసులోనే అణిచేసుకోవడానికి గల ప్రధాన కారణం పెట్టుబడి సమకూర్చుకోలేమనే భయం. తీరా అప్పో సప్పో చేసి తెచ్చినా వ్యాపారంలో నష్టమొస్తే అనే సందేహం. అందుకే ఈ రెండు భయాలు లేకుండా మీరు ఈ ఫుడ్ బిజినెస్ చేసుకోవచ్చు. వామ్మో ఫుడ్ బిజినెస్ అంటే పనిచేసేందుకు.. పెట్టుబడికి చాలా కావాలి అనే డౌట్ మీకు రావచ్చు. అదేం లేదు. ఈ వ్యాపారం చేయడానికి ఇంట్లో ఒకరు లేదా ఇద్దరు మనుషులు ఉన్నా చాలు. అదీ కనీసం రోజుకో 3 గంటలు కేటాయిస్తే ప్రతి నెలా మినిమం రూ.30వేల ప్రాఫిట్ వస్తుంది. అదే ఆలూ చిప్స్ వ్యాపారం.
ఫుడ్ అంట్ క్యాటరింగ్ విభాగంలో బంగాళాదుంపల చిప్స్ వ్యాపారానికి ప్రస్తుతం ఎక్కడలేని డిమాండ్ ఉంది. పిల్లల నుంచి పెద్దల వరకూ అంతా ఈ స్నాక్స్‌ ఎంత ఇష్టంగా తింటారో మనకు తెలుసు. బయట అమ్మే ప్యాక్డ్ చిప్స్ కంటే ఇంట్లో తయారు చేసిన ఆలూ చిప్స్ అంటే మరింత ఆసక్తి చూపిస్తారు. ఈ మధ్య ఫ్రెష్ ఫ్రైడ్ హాట్ చిప్స్ ట్రెండ్ ఊపందుకుంటోంది. కాబట్టి ఈ వ్యాపారంలో మార్కెటింగ్ చేసుకోవడం చాలా సులభం. కనీసం రూ.1000-రూ.3000 పెట్టుబడి పెడితే చాలు. అదీ ప్రారంభంలోనే మొదట మీరు పొటాటో చిప్స్ మెషీన్ కోసం కేవలం రూ.850లు ఇన్వెస్ట్ చేయండి చాలు. ఈ మెషీన్ కోసం ఎక్కువ స్థలం, కరెంటు కూడా ఖర్చు కాదు. చాలావేగంగా దీని ద్వారా ఎక్కువ మొత్తంలో చిప్స్ తయారుచేయవచ్చు. మీరు చేయాల్సిందల్లా.. మంచి నాణ్యత గల నూనె వాడి రుచిగా చిప్స్ తయారు చేయడమే. నాణ్యత, ప్యాకేజింగ్, మార్కెటింగ్ పైన దృష్టిపెడితే ఆటోమాటిగ్గా బిజినెస్ పికప్ అవుతుంది. ఎందుకంటే చిప్స్ ప్రతి ఒక్కరికీ బాగా నచ్చిన పాపులర్ స్నాక్ ఫుడ్. తగినంత ప్రచారం చేసుకుంటే క్రమంగా డిమాండ్ పెంచుకుని ఈ వ్యాపారం సులువుగా విస్తరించుకోవచ్చు.
పెట్టుబడి ఖర్చు: రూ.1000-రూ.3000
ప్యాకెట్ ఉత్పత్తి ఖర్చు: రూ.10 - రూ.20
ప్యాకెట్ అమ్మకపు ధర: రూ.20 - రూ.50
ప్యాకెట్‌కు లాభం: రూ.10 - రూ.30
Read Also : Business Idea : పెట్టుబడి పదివేలు.. రాబడి రూ.50వేలు.. మహిళలు ఇంటి
Business Ideas: రోజులో రెండు గంటలు ఈ పనిచేస్తే చాలు.. మహిళలకు ఇంటి
Business Plan : డబ్బుకు డబ్బు.. ఇంట్లోనే పని.. మహిళల కోసం బెస్ట్ ...
మరిన్ని బిజినెస్, తెలుగు వార్తల కోసం ఇక్కడ క్లిక్ చేయండి..
