Stock Market: సూచీలకు భారీ లాభాలు.. ఈ రోజు టాప్ స్టాక్స్ ఇవే..

సోమవారం స్వల్ప నష్టాలను చవిచూసిన దేశీయ సూచీలు మంగళవారం విజృంభించాయి. అంతర్జాతీయ మార్కెట్లలో సానుకూల సంకేతాలతో పాటు యుఎస్ ఫెడ్ రిజర్వ్ వడ్డీ రేట్లలో కోత విధించనుందనే అంచనాలు సూచీలను ముందుకు నడిపించాయి. ఫెడ్ రిజర్వ్ వడ్డీ రేట్ల నిర్ణయం బుధవారం వెలువడనుంది. ఈ నేపథ్యంలో మంగళవారం సెన్సెక్స్, నిఫ్టీ భారీ లాభాలను ఆర్జించాయి (Business News).

సోమవారం ముగింపు (81, 785)తో పోల్చుకుంటే మంగళవారం ఉదయం దాదాపు 100 పాయింట్ల లాభంతో మొదలైన సెన్సెక్స్ రోజుంతా అదే ట్రెండ్‌ను కొనసాగించింది (Sensex gains). మంగళవారం సెన్సెక్స్ 81,779 - 82,380 శ్రేణి మధ్యలో కదలాడింది. చివరకు సెన్సెక్స్ 594 పాయింట్ల లాభంతో 82, 380 వద్ద రోజును ముగించింది. మరో వైపు నిఫ్టీ కూడా సెన్సెక్స్ బాటలోనే కదలాడింది. చివరకు 169 పాయింట్ల లాభంతో 25, 239 వద్ద స్థిరపడింది (market closing update).

సెన్సెక్స్‌లో సయింట్, హెచ్‌ఎఫ్‌సీఎల్, జీఎమ్మార్ ఎయిర్‌పోర్ట్స్, చోలా ఇన్వెస్ట్, అంబర్ ఎంటర్‌ప్రైజెస్ షేర్లు లాభాలను ఆర్జించాయి (Indian markets today). వొడాఫోన్ ఐడియా, సింజెన్ ఇంటెల్, గోద్రేజ్ కన్స్యూమర్, వరుణ్ బేవరేజెస్, ఇండియన్ హోటల్స్ షేర్లు నష్టాల బాటలో నడిచాయి. నిఫ్టీ మిడ్ క్యాప్ ఇండెక్స్ 313 పాయింట్లు లాభపడింది. బ్యాంక్ నిఫ్టీ 259 పాయింట్లు ఎగబాకింది. డాలర్‌తో పోల్చుకుంటే రూపాయి మారకం విలువ 88.05గా ఉంది.

ఇవి కూడా చదవండి

మరో స్కామ్‌ అలర్ట్.. మీ డబ్బు, ఫోన్‌ను ఇలా కాపాడుకోండి

సెప్టెంబర్ 2025లో బ్యాంక్ సెలవుల పూర్తి లిస్ట్..

మరిన్ని జాతీయ, తెలుగు వార్తల కోసం క్లిక్ చేయండి