Gold, Silver Rates Dec 24: భారీగా పెరిగిన పసిడి, వెండి ధరలు.. సరికొత్త రికార్డ్స్

ABN , Publish Date - Dec 24 , 2025 | 06:34 AM

అంతకంతకూ పెరుగుతున్న పసిడి, వెండి ధరలు రోజుకో సరికొత్త రికార్డును సృష్టిస్తున్నాయి. భౌగోళిక రాజకీయ అనిశ్చితులు, అమెరికా ఫెడ్ రేటులో కోతపై పెరుగుతున్న అంచనాలు ధరలను ఎగదోస్తున్నాయి. మరి నేటి రేట్స్ ఎలా ఉన్నాయంటే..

Gold, Silver Rates Dec 24: భారీగా పెరిగిన పసిడి, వెండి ధరలు.. సరికొత్త రికార్డ్స్

Gold, Silver Rates on Dec 24

ఇంటర్నెట్ డెస్క్: దేశంలో పసిడి, వెండి ధరలు సామాన్యులకు షాకిచ్చేలా పెరుగుతున్నాయి. సరికొత్త రికార్డులు సృష్టిస్తున్నాయి. గుడ్ రిటర్న్స్ వెబ్‌సైట్ ప్రకారం, బుధవారం (డిసెంబర్ 24) ఉదయం 6.30 గంటల సమయంలో 24 క్యారెట్ 10 గ్రాముల బంగారం ధర రూ.1,38,560 వద్ద ఆల్ టైమ్ గరిష్ఠాన్ని తాకింది. నిన్నటి రేటుతో పోలిస్తే ఇది రూ.2400 అధికం. ఇక 22 క్యారెట్ 10 గ్రాముల బంగారం ధర కూడా రూ.2200 మేర పెరిగి రూ.1,27,010కు చేరుకుంది. వెండి ధరల్లో ర్యాలీ కూడా గుండె దడ తెస్తోంది. నిన్నటితో పోలిస్తే కిలో వెండి రేటు రూ.3100 మేర పెరిగి రూ.2,34,100 వద్ద ఆల్ టైమ్ గరిష్ఠాన్ని తాకింది (Gold, Silver Rates on Dec 24).

అమెరికా, వెనెజువెలా మధ్య ఉద్రిక్తతలు ప్రస్తుత ధరల ర్యాలీకి ప్రధాన కారణమని మార్కెట్ వర్గాలు చెబుతున్నాయి. దీంతో, పాటు డాలర్ బలహీనపడటంతో, ఫెడ్‌ రేట్‌ కోతపై పెరుగుతున్న అంచనాలు వెరసి సురక్షిత పెట్టుబడి సాధనమైన పసిడి ధరలను మరింత ఎగదోస్తున్నాయి. ఇక ఈ ఏడాదిలో బంగారం కంటే వెండిపై పెట్టుబడులు అధిక లాభాలను అందించిన విషయం తెలిసిందే. వెండిపై పెట్టుబడుల జోరు పెరగడంతో పాటు పారిశ్రామిక డిమాండ్ అధికం కావడం, సరఫరాలో కొరత వంటివి వెండి ధరలకు ఆజ్యం పోస్తున్నాయి.

ప్రధాన నగరాల్లో బంగారం ధరలు (24కే, 22కే, 18కే)