Gold, Silver Rates on Dec 15: నేటి పసిడి, వెండి రేట్స్ ఇవీ.. ఈ వారం కూడా ధరలకు రెక్కలు

ABN , Publish Date - Dec 15 , 2025 | 06:35 AM

గతం వారం రోజులుగా బంగారం వెండి ధరల్లో పెరుగుదల కనిపించింది. ఈ వారం కూడా ఇదే ట్రెండ్ కనిపించే అవకాశం ఉందని మార్కెట్ వర్గాల అంచనా. మరి ప్రస్తుతం దేశంలో పసిడి వెండి ధరలు ఎలా ఉన్నాయంటే..

Gold, Silver Rates on Dec 15

ఇంటర్నెట్ డెస్క్: గత వారం రోజులుగా బంగారం, వెండి ధరలు క్రమంగా పెరుగుతూ సామాన్యులకు చుక్కలు చూపించాయి. కొన్ని సందర్భాల్లో మదుపర్ల లాభాల స్వీకరణతో ధరలు కాస్త తగ్గినా స్థూలంగా చూస్తే ధరల్లో పెరుగుదల నమోదైంది. ఈ వారం కూడా ధరలు పెరిగే అవకాశాలు మెండుగా ఉన్నాయని మార్కెట్ నిపుణులు అంచనా వేస్తున్నారు. గుడ్ రిటర్న్స్ వెబ్‌సైట్ ప్రకారం, నేడు ఉదయం 6.30 గంటల సమయంలో 24 క్యారెట్ 10 గ్రాముల బంగారం ధర రూ.1,33,900గా ఉంది. 22 క్యారెట్ ఆర్నమెంటల్ బంగారం ధర రూ.1,22,740. ఇక కిలో వెండి ధర రూ.1,97,900 వద్ద తచ్చాడుతోంది (Gold, Silver Rates on Dec 15).

చెన్నైలో అత్యధికంగా 24 క్యారెట్ బంగారం ధర రూ.1,34,940. హైదరాబాద్, విజయవాడల్లో మేలిమి బంగారం ధర 10 గ్రాములకు రూ.1,33,900గా ఉంది. చెన్నైలో కిలో వెండి ధర రూ.2,09,900 కాగా, హైదరాబాద్‌, విజయవాడల్లో కూడా దాదాపు ఇదే ధర పలుకుతోంది.

ఇక ఈ వారం కూడా బంగారం, వెండి ధరల్లో పెరుగుదల కనిపించే అవకాశం ఉందని మార్కెట్ నిపుణులు అంచనా వేస్తున్నారు. అమెరికా, ఐరోపా, బ్రిటన్, యూకే, భారత్‌లోని ద్రవ్యోల్బణం తీరుతెన్నులు పసిడి, వెండి ధరలను నిర్ణయించనున్నాయి. ఇక డాలర్‌తో పోలిస్తే బలహీనంగా ఉన్న రూపాయి విలువ కూడా భారత్‌లో ధరల పెరుగుదలకు దారి తీసే అవకాశం ఉందనేది మార్కెట్ వర్గాల అంచనా.

వివిధ నగరాల్లో పసిడి (24కే, 22కే, 18కే) ధరలు