Lawyer Ponnavolu: పోసాని రిమాండ్‌పై న్యాయవాది పొన్నవోలు ఎమన్నారంటే..

అన్నమయ్య జిల్లా: సినీ నటుడు, రచయిత పోసాని కృష్ణ మురళీ (Posani Krishna Murali )కి అన్నమయ్య జిల్లా, రైల్వేకోడూరు కోర్టు (Court) 14 రోజుల రిమాండ్‌ (14 Days Remand) విధించింది. న్యాయస్థానం తీర్పుపై స్పందించిన పోసాని న్యాయవాది (Lawyer ) పొన్నవోలు సుధాకర్ రెడ్డి (Ponnavolu Sudhakar Reddy) మాట్లాడుతూ.. పోసానిపై రిమాండ్ విధించడాన్ని పరిశీలిస్తే ‘ఆపరే షన్ సక్సెస్ పేషెంట్ డైడ్’ అన్న ట్లు ఉందన్నారు. పోసాని వ్యాఖ్యలు వర్గ వైషమ్యాలను రెచ్చగొట్టే విధంగా ఉన్నాయని పోలీసులు పెట్టిన రెండు సెక్షన్లపై మేజిస్ట్రేట్ ఏకీ భవించారని.. ఫలితంగానే పోసానికి రిమాండ్ విధించారని అన్నారు. బీఎన్ఎస్ యాక్ట్ 111 సెక్షన్‌ను మేజిస్ట్రేట్ పరిగణలోకి తీసుకో లేదని.. ఈ తీర్పుపై హైకోర్టులో అప్పీల్ చేస్తామని పొన్నవోలు స్పష్టం చేశారు.

ఈ వార్త కూడాచదవండి..

పోసాని కృష్ణ మురళీకి రిమాండ్..

కాగా సినీ నటుడు పోసాని కృష్ణ మురళీకి అన్నమయ్య జిల్లా రైల్వేకోడూరు కోర్టు 14 రోజుల రిమాండ్‌ విధించింది. హైదరాబాద్‌లో బుధవారం రాత్రి అరెస్టు చేసిన పోలీసులు గురువారం ఉదయం అన్నమయ్యజిల్లా, ఓబులవారిపల్లె పోలీస్టేషన్‌‌కు తరలించారు. 8 గంటల విచారించిన పోలీసులు పోసానికి వైద్య పరీక్షల నిర్వహించిన అనంతరం రాత్రి 9.30 గంటలకు రైల్వే కోడూరు జూనియర్ సివిల్ జడ్జి కోర్టులో హాజరు పరిచారు. శుక్రవారం తెల్లవారుజాము 5 గంటల వరకు సుదీర్ఘంగా వాదనలు కొనసాగాయి. పోసాని తరఫున పొన్నవోలు సుధాకర్‌రెడ్డి వాదనలు వినిపించారు. బీఎన్‌ఎస్‌ చట్టం ప్రకారం పోసానికి 41ఏ నోటీసులు ఇచ్చి బెయిల్‌ ఇవ్వాలని పొన్నవోలు కోర్టును కోరారు. కాగా పోసానికి రిమాండ్‌ విధించాలని పోలీసుల తరఫు న్యాయవాది వాదనలు వినిపించారు. ఇరువైపుల వాదనలు విన్న మేజిస్ట్రేట్‌ పోసానికి 14 రోజుల వరకు రిమాండ్‌ విధిస్తూ తీర్పునిచ్చారు. దీంతో పోసానిని కడప కేంద్రకారాగానికి తరలించే అవకాశం ఉన్నట్లు సమాచారం.

ఈ వార్తలు కూడా చదవండి..

హరీశ్‌.. మాట్లాడేందుకు సిగ్గుండాలి

బూతులు నీతులు!

గోరంట్ల మాధవ్‌కు నోటీసు

Read Latest AP News and Telugu News

Read Latest Telangana News and National News

Read Latest Chitrajyothy News and Sports News