Paka Suresh: కడప కొత్త మేయర్పై ఫ్లెక్సీల కలకలం
ABN , Publish Date - Dec 12 , 2025 | 09:55 AM
కడప కొత్త మేయర్ పాకా సురేష్కు వ్యతిరేకంగా నగరంలో వెలసిన ఫ్లెక్సీలు కలకలం రేపుతున్నాయి. మన కడపకు ఇదేం కర్మ.. సిగ్గు సిగ్గు అంటూ గుర్తుతెలియని వ్యక్తులు ఫ్లెక్సీలు ఏర్పాటు చేశారు.
కడప, డిసెంబర్ 12: కడప మేయర్గా పాకా సురేష్ (Kadap Mayor Paka Suresh) ఎన్నికైన విషయం తెలిసిందే. అయితే తొలిరోజే కొత్త మేయర్కు చేదు అనుభవం ఎదురైంది. మేయర్ సురేష్కు వ్యతిరేకంగా నగరంలో కొందరు వ్యక్తులు ఫ్లెక్సీలను ఏర్పాటు చేయడం కలకలం రేపుతోంది. ఫ్లెక్సీలో మేయర్పై తీవ్రస్థాయిలో విమర్శలు గుప్పించారు. మన కడపకు ఇదేమి కర్మ.. సిగ్గు సిగ్గు అంటూ ఫ్లెక్సీలో రాతలు ఉన్నాయి. ప్రస్తుతం ఈ ఫ్లెక్సీలు నగరంలో చర్చనీయాంశంగా మారాయి.
అంతేకాకుండా.. తన సొంత ఇంటి పన్ను చెల్లించకుండా కార్పొరేషన్ ఆదాయానికి సురేష్ గండి కొట్టారంటూ గుర్తు తెలియని వ్యక్తులు ఫ్లెక్సీలు ఏర్పాటు చేశారు. జగన్ ప్రభుత్వంలో కార్పొరేటర్గా ఉండి 1.లక్షా 26 వేలు పైచిలుకు ఇంటి పన్ను చెల్లించకుండా ఎగ్గొట్టారంటూ ఫ్లెక్సీలో రాశారు. అయితే ఈ ఫ్లెక్సీలపై మేయర్ అనుచరులు తీవ్ర ఆగ్రహం, అభ్యంతరం వ్యక్తం చేశారు. వెంటనే నగరంలో వెలసిన ఫ్లెక్సీలను మేయర్ అనుచరులు తీసివేశారు. అసలు ఫ్లెక్సీలు ఎవరు ఏర్పాటు చేశారనే దానిపై ఆరా తీస్తున్నారు.
కాగా.. నిన్న కడప కార్పొరేషన్ కార్యాలయంలో జరిగిన ఎన్నికలో మేయర్గా పాకా సురేష్ను వైసీపీ కార్పొరేటర్లు ఏకగ్రీవంగా ఎన్నుకున్నారు. జిల్లా జాయింట్ కలెక్టర్ అదితి సింగ్ పర్యవేక్షణలో ఎన్నిక జరుగగా.. మేయర్ అభ్యర్థిగా పాకా సురేష్ అభ్యర్థిత్వాన్ని వైసీపీ కార్పొరేటర్లు, డిప్యూటీ మేయర్ నిత్యానంద రెడ్డి, షఫీలు బలపరిచారు. దీంతో పాకా సురేష్ ఏకగ్రీవంగా మేయర్గా ఎన్నికైనట్లు జాయింట్ కలెక్టర్ అదితి సింగ్ ప్రకటించారు.
ఇవి కూడా చదవండి...
బస్సు ప్రమాదంపై వెంటనే సహాయక చర్యలు చేపట్టాం: కలెక్టర్ దినేష్ కుమార్
దువ్వాడ మాధురి శ్రీనివాస్కి బిగ్ షాక్.. అసలు విషయమిదే..
Read Latest AP News And Telugu News
