Big Breaking: గండిపేటలో భారీ అగ్ని ప్రమాదం.. దగ్ధమైన 25 కార్లు..

రంగారెడ్డి, మార్చి 28: రంగారెడ్డి జిల్లా గండిపేటలో(Gandipet) భారీ అగ్ని ప్రమాదం(Fire Accident) సంభవించింది. ఖానాపూర్‌లో(Khanapur) ఓ కార్ల గోదాంలో(Cars Godown) భారీగా మంటలు చెలరేగాయి. అగ్ని కీలలు ఎగసిపడుతున్నాయి. ఈ ప్రమాదంలో గోదాంలో ఉన్న కార్లన్నీ మంటల్లో చిక్కుకున్నాయి. గోదాంలో 25 కార్లు ఉండగా.. అవన్నీ పూర్తిగా దగ్ధమయ్యాయి. భారీ మంటల కారణంగా నల్లటి పొగ దట్టంగా వ్యాపించింది. పొగతో స్థానిక ప్రజలు తీవ్ర భయబ్రాంతులకు గురయ్యారు. ప్రమాదానికి షార్ట్ సర్క్యూట్ కారణం అని స్థానికులు చెబుతున్నారు. కాగా, ప్రమాదంపై సమాచారం అందుకున్న ఫైర్ సిబ్బంది.. ఘటనా స్థలానికి చేరుకుని మంటలను అదుపులోకి తీసుకువచ్చేందుకు ప్రయత్నిస్తున్నారు. అగ్ని ప్రమాదంపై కేసు నమోదు చేసుకున్న పోలీసులు.. ప్రమాదానికి గల కారణాలను నిర్ధారించే పనిలో పడ్డారు.

మరిన్ని తెలంగాణ వార్తల కోసం ఈ లింక్ క్లిక్ చేయండి..