Allu Arjun Arrest: అల్లు అర్జున్ అరెస్ట్.. నెక్ట్స్ జరిగేదిదే..
ABN , Publish Date - Dec 13 , 2024 | 01:50 PM
Allu Arjun Arrest: పుష్ప 2 సినిమా విడుదల సందర్భంగా సంధ్య థియేటర్ వద్ద జరిగిన తొక్కీసలాట ఘటనలో హీరో అల్లు అర్జున్ను చిక్కడపల్లి పోలీసులు అరెస్ట్ చేశారు. జూబ్లీహిల్స్లోని ఆయన నివాసానికి వెళ్లి మరీ పోలీసులు అరెస్ట్ చేశారు.
Allu Arjun Arrest: పుష్ప 2 సినిమా విడుదల సందర్భంగా సంధ్య థియేటర్ వద్ద జరిగిన తొక్కీసలాట ఘటనలో హీరో అల్లు అర్జున్ను చిక్కడపల్లి పోలీసులు అరెస్ట్ చేశారు. జూబ్లీహిల్స్లోని ఆయన నివాసానికి వెళ్లి మరీ పోలీసులు అరెస్ట్ చేశారు. అక్కడి నుంచి చిక్కడపల్లి పోలీస్ స్టేషన్కు అల్లు అర్జున్ను తరలించారు. ఈ కేసులో అల్లు అర్జున్పై 105, 118(1) రెడ్ విత్ 3/5 BNS సెక్షన్ల కింద కేసు నమోదు చేసిన పోలీసులు.. ఆయన రిమాండ్కు అంతా సిద్ధం చేస్తున్నారు.
పోలీసులు ఏం చేయబోతున్నారు..
ఈ కేసులో అల్లు అర్జున్ను అరెస్ట్ చేసిన పోలీసులు.. తదుపరి రిమాండ్ కోసం సిద్ధం చేస్తున్నారు. ఇందులో భాగంగా రిమాండ్ రిపోర్ట్ సిద్ధం చేస్తున్నారు పోలీసులు. అల్లు అర్జున్ను చిక్కడ పల్లి పీఎస్ నుంచి గాంధీ ఆస్పత్రికి తరలించారు. గాంధీ ఆస్పత్రిలో ఆయనకు వైద్య పరీక్షలు నిర్వహించనున్నారు. ఈ వైద్య పరీక్షలు ముగిసిన తరువాత.. నాంపల్లి కోర్టులో హాజరు పరచనున్నారు. కోర్టు తీర్పు మేరకు అల్లు అర్జున్ను రిమాండ్కు తరలించనున్నారు.
పోలీసుల తీరుపై అసహనం..
అరెస్ట్ సందర్భంగా పోలీసులు వ్యవహరించిన తీరుపై అల్లు అర్జున్ తీవ్ర అసహనం వ్యక్తం చేశారు. ఉన్న పళంగా మీతో రావాలంటే ఎలా అని పోలీసులను ప్రశ్నించారు. బట్టలు మార్చుకునేందుకు కూడా అవకాశం ఇవ్వరా ఆగ్రహం వ్యక్తం చేశారు. పోలీసులు తీసుకెళ్లడంలో తనకు అభ్యంతరం లేదని అల్లు అర్జున్ స్పష్టం చేశారు. దీంతో బెడ్రూం వరకు వెళ్లి డ్రెస్ మార్పించి అల్లు అర్జున్ను తీసుకెళ్లారు పోలీసులు. దీనిపై అల్లు అర్జున్ అభ్యంతరం వ్యక్తం చేశారు. బెడ్ రూమ్ వరకు రావటం ఏంటని ప్రశ్నించారు.
Also Read:
పెద్ద కేసులే పెట్టారుగా.. ఎన్నేళ్ల జైలు శిక్ష పడనుందంటే..
Allu Arjun: అల్లు అర్జున్ అరెస్టు.. వీడియో చూడండి..
స్వర్ణాంధ్ర విజన్ డాక్యుమెంట్ను ఆవిష్కరించిన సీఎం..
For More Telangana News and Telugu News..
